மாவட்ட செய்திகள்

சென்னையில் 135 கர்ப்பிணிகளுக்கு கொரோனா பாதிப்பு + "||" + Corona affects 135 pregnant women in Chennai

சென்னையில் 135 கர்ப்பிணிகளுக்கு கொரோனா பாதிப்பு

சென்னையில் 135 கர்ப்பிணிகளுக்கு கொரோனா பாதிப்பு
சென்னையில் 135 கர்ப்பிணி பெண்களுக்கு கொரோனா வைரஸ் பாதிப்பு ஏற்பட்டுள்ளது தெரியவந்துள்ளது.
சென்னை, 

தமிழகத்தில் கொரோனா வைரசின் தாக்கம் அதிகரித்து கொண்டே போகிறது. மற்ற மாவட்டங்களை விட சென்னையில் மிக பெரிய அளவில் பாதிப்பு ஏற்பட்டு வருகிறது. இந்த நிலையில் கொரோனா எளிதில் பாதிக்கக்கூடிய நபர்களாக குழந்தைகள், 60 வயதுக்கு மேற்பட்டவர்கள், புற்றுநோயாளிகள், கர்ப்பிணி பெண்கள், சர்க்கரை நோயாளிகள், ரத்த அழுத்தம் மற்றும் இருதய நோய் உள்ளவர்களை சுகாதாரத்துறை வகைப் படுத்தி உள்ளது.

இந்தநிலையில் தமிழகத்தில் 12 வயதுக்கு உட்பட்ட 800-க்கும் மேற்பட்ட குழந்தைகள் பாதிக்கப்பட்டுள்ளனர். இதில் பிறந்து சில நாட்களே ஆன குழந்தைகளும் அடங்கும். மேலும் 60 வயதுக்கு மேற்பட்டவர்களில் 1085 பேர் இதுவரை பாதிக்கப்பட்டுள்ளனர். இந்தநிலையில் சென்னையில் 135 கர்ப்பிணி பெண்கள் கொரோனா நோய் தொற்றால் பாதிக்கப்பட்டிருப்பது உறுதி செய்யப்பட்டுள்ளது. இதுகுறித்து சுகாதாரத்துறை அதிகாரி ஒருவர் கூறியதாவது:-

தமிழகத்தில் கொரோனா வைரசால் கர்ப்பிணிகளும் பாதிக்கப்பட்டுள்ளனர். சென்னையில் ராயபுரம் ஆர்.எஸ்.ஆர்.எம். அரசு மருத்துவமனையில் 48 பேரும், எழும்பூர் அரசு தாய் சேய் நல மருத்துவமனையில் 34 பேரும், திருவல்லிக்கேணி கஸ்தூரிபா காந்தி அரசு மருத்துவமனையில் 23 பேரும், கீழ்ப்பாக்கம் அரசு மருத்துவமனையில் 30 பேரும் என சென்னை முழுவதும் 135 கர்ப்பிணி பெண்களுக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளது.

இந்த 135 கர்ப்பிணி பெண்களும் தனிமைப்படுத்தப்பட்டு, தமிழக அரசு அமைத்த கர்ப்பிணி பெண்களுக்கான மருத்துவ குழுவின் ஆலோசனைபடி அவர்களுக்கு சிகிச்சை அளிக்க ஏற்பாடு செய்யப்பட்டுள்ளது. இவ்வாறு அவர் கூறினார்.

மேற்கு தாம்பரம் சி.டி.ஓ. காலனியைச் சேர்ந்த 33 வயதான பெண் டாக்டர், தாம்பரம் கடப்பேரி பகுதியைச் சேர்ந்த 34 வயது பெண் டாக்டர், தாம்பரம் ராமநாதபுரத்தில் தனியார் ஆஸ்பத்திரியில் வேலை பார்த்த பெண் ஊழியர் உள்பட 4 பேருக்கு கொரோனா பாதிப்பு ஏற்பட்டது.

இவர்கள் உள்பட செங்கல்பட்டு மாவட்டத்தில் நேற்று 34 பேருக்கு கொரோனா பாதிப்பு ஏற்பட்டது. மாவட்டம் முழுவதும் பாதிக்கப்பட்டோரின் எண்ணிக்கை 655 ஆனது. இவர்களில் 233 பேர் சிகிச்சை முடிந்து வீடு திரும்பினர். 5 பேர் உயிரிழந்தனர். மற்றவர்கள் சிகிச்சை பெற்று வருகின்றனர்.

தொடர்புடைய செய்திகள்

1. சென்னையில் கொரோனா பாதிப்பு ஆயிரத்துக்கும் கீழே வந்தது
தமிழகத்தில் இதுவரை இல்லாத அளவுக்கு நேற்று ஒரே நாளில் 119 பேர் கொரோனா நோய் தொற்றால் உயிரிழந்துள்ளனர். சென்னையில் நேற்று பாதிக்கப்பட்டவர்கள் எண்ணிக்கை ஆயிரத்துக்கும் கீழே குறைந்தது.
2. சென்னையில் ஒரு கிராம் தங்கம் ரூ.5,420க்கு விற்பனை
சென்னையில் ஒரு கிராம் தங்கத்தின் விலை ரூ.46 உயர்ந்து ரூ.5,420க்கு விற்பனை செய்யப்படுகிறது.
3. சென்னையில் ஆபரணத் தங்கம் ஒரு சவரனுக்கு 216 ரூபாய் உயர்வு
சென்னையில் ஆபரணத் தங்கத்தின் விலை ஒரு சவரனுக்கு 216 ரூபாய் உயர்ந்துள்ளது.
4. சென்னையில் கட்டுப்படுத்தப்பட்ட பகுதிகள் குறைந்தது - மாநகராட்சி தகவல்
சென்னையில் கொரோனா பாதிப்பு குறைந்து வருவதால் கட்டுப்படுத்தப்பட்ட பகுதிகளும் குறைந்துள்ளதாக சென்னை மாநகராட்சி தெரிவித்துள்ளது.
5. சென்னை, டெல்லி, மும்பையில் கொரோனா பரவல் விகிதம் சரிவு-மெத்தனம் கூடாது என நிபுணர்கள் எச்சரிக்கை
சென்னை, டெல்லி, மும்பை ஆகிய பெருநகரங்களில் கொரோனா பரவல் விகிதம் சரிந்துள்ளதாக கண்டறியப்பட்டு உள்ளது. எனினும் தொற்றை தடுக்கும் நடவடிக்கைகளில் மெத்தனம் கூடாது என நிபுணர்கள் எச்சரிக்கை விடுத்து உள்ளனர்.