மாவட்ட செய்திகள்

‘குடிபோதையில் ஏற்பட்ட தகராறில் கல்லால் தாக்கி கொன்றோம்’; கைதான நண்பர்கள் பரபரப்பு வாக்குமூலம் + "||" + We had been hit with a stone in a drunken dispute; Arrested Friends Confession

‘குடிபோதையில் ஏற்பட்ட தகராறில் கல்லால் தாக்கி கொன்றோம்’; கைதான நண்பர்கள் பரபரப்பு வாக்குமூலம்

‘குடிபோதையில் ஏற்பட்ட தகராறில் கல்லால் தாக்கி கொன்றோம்’; கைதான நண்பர்கள் பரபரப்பு வாக்குமூலம்
குடிபோதையில் ஏற்பட்ட தகராறில் தொழிலாளியை கல்லால் தாக்கி கொன்றோம் என்று கைதான நண்பர்கள் 4 பேர் பரபரப்பு வாக்குமூலம் அளித்துள்ளனர்.
மேட்டூர், 

 மேட்டூர் அம்மன் நகர் பகுதியை சேர்ந்தவர் ராஜா (வயது 36), கூலித்தொழிலாளி. சம்பவத்தன்று காலை அங்குள்ள டான்சி குடியிருப்பு வளாகத்தில் ராஜா மர்ம நபர்களால் முகம் மற்றும் தலையில் கல்லால் தாக்கப்பட்டு, கொலை செய்யப்பட்டு பிணமாக கிடந்தார். 

இது குறித்த புகாரின் பேரில் மேட்டூர் போலீஸ் இன்ஸ்பெக்டர் தொல்காப்பியன் தலைமையில் போலீசார் சம்பவ இடத்திற்கு விரைந்து வந்து விசாரணை நடத்தினர். மேலும் படுகொலை செய்யப்பட்ட ராஜாவின் உடலை கைப்பற்றி மேட்டூர் அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். தொடர்ந்து போலீசார் வழக்குப்பதிவு செய்து கொலையாளிகளை தேடி வந்தனர். 

போலீசார் நடத்திய விசாரணையில் இந்த கொலைக்கும், ராஜாவின் நண்பர்களுக்கும் தொடர்பு இருப்பது தெரியவந்தது. இதைத்தொடர்ந்து ராஜாவை கொன்றதாக அவரது நண்பர்கள் மாதையன்குட்டை பகுதியை சேர்ந்த மூர்த்தி (வயது 29), விஜி (21), வல்லரசு (22), யுவராஜ் (21) ஆகிய 4 பேரை போலீசார் கைது செய்தனர். அவர்கள் போலீசில் பரபரப்பு வாக்குமூலம் அளித்துள்ளனர். இது குறித்து போலீசார் கூறியதாவது:-  

தொழிலாளி ராஜாவும், மூர்த்தி, வல்லரசு, யுவராஜ், விஜி ஆகியோரும் நண்பர்கள் ஆவர். இவர்களுக்கு மது குடிக்கும் பழக்கம் இருந்து வந்தது. சம்பவத்தன்று இவர்கள் அனைவரும் டான்சி குடியிருப்பு பகுதியில் ஒரு மறைவான இடத்தில் அமர்ந்து மது குடித்துள்ளனர். குடிபோதையில் அவர்களுக்குள் தகராறு ஏற்பட்டது. இதனால் ஆத்திரம் அடைந்த மூர்த்தி, விஜி, வல்லரசு, யுவராஜ் ஆகிய 4 பேரும் சேர்த்து அங்கு கிடந்த கல்லால் தாக்கி ராஜாவை கொன்றுள்ளனர். இவ்வாறு போலீசார் தெரிவித்தனர்.

தொடர்புடைய செய்திகள்

1. பணம் வைத்து சூதாடிய 3 பேர் கைது
பேரிகை அருகே பணம் வைத்து சூதாடிய 3 பேர் கைது செய்யப்பட்டனர்.
2. பட்டா கத்தியால் கேக் வெட்டி பிறந்த நாள் கொண்டாடிய வக்கீல்; 6 பேர் கைது
விழுப்புரத்தை சேர்ந்த வக்கீல் ஒருவர் தனது பிறந்த நாளை நண்பர்களுடன் சேர்ந்து பட்டா கத்தியால் கேக் வெட்டி கொண்டாடினார். இதுசம்பந்தமான வீடியோ வாட்ஸ்- அப், முகநூல் உள்ளிட்ட சமூகவலைதளங்களில் வைரலாகியது.
3. வழிப்பறியில் ஈடுபட முயன்ற 5 பேர் கைது
திருக்கோவிலூர் துணை போலீஸ் சூப்பிரண்டு மகேஷ், இன்ஸ்பெக்டர் செல்வம், மணலூர்பேட்டை போலீஸ் சப்-இன்ஸ்பெக்டர் ராஜசேகர் மற்றும் போலீசார் ரோந்து பணியில் ஈடுபட்டிருந்தனர்.
4. ஓய்வுபெற்ற தபால்காரர் குத்திக்கொலை; மகன் கைது
சேலத்தில் சொத்து தகராறில் ஓய்வுபெற்ற தபால்காரரை அவரது மகனே இரும்பு கம்பியால் குத்திக்கொலை செய்த சம்பவம் பரபரப்பை ஏற்படுத்தி உள்ளது. இந்த சம்பவம் குறித்து போலீஸ்தரப்பில் கூறப்பட்டதாவது:
5. நாமக்கல் மாவட்டத்தில் இதுவரை ஊரடங்கை மீறிய 7,509 பேர் கைது
கொரோனா ஊரடங்கையொட்டி நாமக்கல் மாவட்டத்தில் வாகனங்களில் தேவையின்றி வெளியே சுற்றுபவர்களை கண்டறிந்து போலீசார் வழக்குப்பதிவு செய்து வருகின்றனர்.