கோவை-காட்பாடி இடையே சேலம் வழியாக சிறப்பு ரெயில் இயக்கம்

சூரமங்கலம்,

கொரோனா ஊரடங்கு காரணமாக ரெயில் போக்குவரத்து நிறுத்தி வைக்கப்பட்டுள்ளது. இதனால் தமிழகத்தில் தங்கியுள்ள பல்வேறு மாநிலங்களை சேர்ந்த புலம் பெயர்ந்த தொழிலாளர்கள் பாதிக்கப்பட்டனர். அவர்களை சொந்த ஊர்களுக்கு அனுப்பி வைக்க சிறப்பு ரெயில்கள் இயக்கப்பட்டு வருகின்றன.


மேலும், பயணிகள் அனைவரும் சானிடைசர் கொண்டு கைகளை சுத்தப்படுத்திய பிறகே ரெயில் நிலையத்திற்குள் அனுமதிக்கப்பட்டனர். பயணிகள் அனைவரும் கட்டாயம் முககவசம் அணிய வேண்டும் என்று ரெயில்வே போலீசார் அறிவுறுத்தினர். இந்த சிறப்பு ரெயில் தினமும் கோவையில் இருந்து புறப்பட்டு சேலம் ஜங்ஷன் ரெயில் நிலையத்துக்கு காலை 8.55 மணிக்கு வந்து காட்பாடிக்கு செல்லும். அதேசமயம் காட்பாடியில் இருந்து சேலத்துக்கு இரவு 7.20 மணிக்கு வரும் ரெயில், அதன்பிறகு கோவைக்கு புறப்பட்டு செல்லும் என ரெயில்வே அதிகாரிகள் தெரிவித்தனர்.