மாவட்ட செய்திகள்

விழுப்புரத்தில் இருந்து பீகாருக்கு 450 பேர் சிறப்பு ரெயிலில் அனுப்பி வைப்பு + "||" + 450 people sent to Bihar from Villupuram at special train

விழுப்புரத்தில் இருந்து பீகாருக்கு 450 பேர் சிறப்பு ரெயிலில் அனுப்பி வைப்பு

விழுப்புரத்தில் இருந்து பீகாருக்கு 450 பேர் சிறப்பு ரெயிலில் அனுப்பி வைப்பு
விழுப்புரம், கள்ளக்குறிச்சி, கடலூர், திருவண்ணாமலை ஆகிய 4 மாவட்டங்களில் தங்கியிருந்து பல்வேறு இடங்களில் வேலை செய்து வந்த பீகார் மாநிலத்தை சேர்ந்த 450 பேரை சொந்த மாநிலத்திற்கு அனுப்பி வைக்க 4 மாவட்ட நிர்வாகத்தினரும் ஏற்பாடு செய்தனர்.
விழுப்புரம்,

இந்நிலையில் நேற்று தஞ்சாவூரில் இருந்து பீகாருக்கு சிறப்பு ரெயில் புறப்பட்டது. இந்த ரெயில் இரவு 7.40 மணிக்கு விழுப்புரம் ரெயில் நிலையத்தை வந்தடைந்தது. அப்போது 450 தொழிலாளர்களுக்கும் உரிய பரிசோதனை மேற்கொண்டு சிறப்பு ரெயிலில் அனுப்பி வைக்கப்பட்டனர்.


இவர்களை விழுப்புரம் மாவட்டத்தின் சார்பில் மாவட்ட கலெக்டர் அண்ணாதுரை, போலீஸ் சூப்பிரண்டு ஜெயக்குமார், கூடுதல் கலெக்டர் ஸ்ரேயா பி.சிங், விழுப்புரம் கோட்டாட்சியர் ராஜேந்திரன், தாசில்தார் கணேஷ் ஆகியோர் வாழ்த்தி வழியனுப்பி வைத்தனர்.

முன்னதாக திண்டிவனம் பகுதியில் ஓட்டல், அரிசி ஆலைகள் மற்றும் சிப்காட் பகுதியில் தங்கி வேலை பார்த்து வந்த பீகார் மாநிலத்தை சேர்ந்த 40 பேர் விழுப்புரத்துக்கு பஸ்சில் அழைத்து வரப்பட்டு சிறப்பு ரெயிலில் அனுப்பி வைக்கப்பட்டனர். இவர்களுக்கு திண்டிவனத்தில் உள்ள ஒரு கல்லூரியில் வைத்து அரசு மருத்துவர் விஷ்ணு குமரன் மற்றும் செவிலியர்கள் உரிய பரிசோதனை மேற்கொண்டனர்.

இதில், தாசில்தார் ராஜசேகரன், தேர்தல் துணை தாசில்தார் ரபியுல்லா, மண்டல துணை தாசில்தார் வேலு, ஒலக்கூர் வட்டார மேற்பார்வையாளர் வீரப்பன், வருவாய் ஆய்வாளர் சித்தார்த்தன், கிராம நிர்வாக அலுவலர்கள் சதாம், லட்சுமிபதி, வாஞ்சிநாதன், ஹரி ராஜன் ஆகியோர் கலந்து கொண்டு வழிஅனுப்பி வைத்தனர்.

தொடர்புடைய செய்திகள்

1. விக்கிரவாண்டியில் தங்கியிருந்த சத்தீஸ்கர் மாநில தொழிலாளர்கள் சொந்த ஊருக்கு அனுப்பி வைப்பு
விக்கிரவாண்டியில் உள்ள தனியார் உர தொழிற்சாலையில் சத்தீஸ்கர் மாநிலத்தை சேர்ந்த தொழிலாளர்கள் 31 பேர் பணியாற்றி வந்தனர்.
2. ஈரோடு மாவட்டத்தில் இருந்து சொந்த ஊர் செல்ல காத்திருக்கும் ஜார்கண்ட் மாநில தொழிலாளர்கள்
ஈரோடு மாவட்டத்தில் இருந்து சொந்தஊர் செல்வதற்காக காத்திருந்த ஜார்கண்ட் மாநில தொழிலாளர்களுக்கு ரெயிலில் இடம் இல்லாததால் பயணம் செய்ய முடியவில்லை.
3. தர்மபுரி மாவட்டத்தில் தங்கி பணிபுரிய 1,451 வடமாநில தொழிலாளர்கள் விருப்பம்; அமைச்சர் கே.பி.அன்பழகன் பேட்டி
1,451 வடமாநில தொழிலாளர்கள் தர்மபுரி மாவட்டத்திலேயே தங்கி பணிபுரிய விருப்பம் தெரிவித்துள்ளனர் என்று அமைச்சர் கே.பி.அன்பழகன் கூறினார்.
4. கோவையில் இருந்து சேலத்துக்கு 160 கி.மீ. தூரம் நடந்து வந்த ஒடிசா தொழிலாளர்கள்
கோவையில் இருந்து சேலத்துக்கு 160 கி.மீட்டர் தூரம் ஒடிசா தொழிலாளர்கள் நடந்து வந்தனர். அவர்கள் சொந்த ஊருக்கு அனுப்பி வைக்க வேண்டும் என்று கோரிக்கை விடுத்துள்ளனர்.
5. காரைக்கால், புதுச்சேரியில் இருந்து 1,119 புலம்பெயர்ந்த தொழிலாளர்கள் மேற்கு வங்காளம், அசாமுக்கு புறப்பட்டனர்
புதுச்சேரி, காரைக்காலைச் சேர்ந்த புலம் பெயர்ந்த தொழிலாளர்கள் 1,119 பேர் சிறப்பு ரெயில் மூலம் மேற்கு வங்காளம், அசாமுக்கு புறப்பட்டுச் சென்றனர். அவர்களை முதல்-அமைச்சர் நாராயணசாமி வழியனுப்பி வைத்தார்.