மாவட்ட செய்திகள்

ஊரடங்கை மீறி ஏரியில் திரண்டு மீன்பிடித்த கிராம மக்கள் கட்டுப்படுத்த முடியாமல் போலீசார் திணறல் + "||" + Villagers fishing in the lake despite curfews

ஊரடங்கை மீறி ஏரியில் திரண்டு மீன்பிடித்த கிராம மக்கள் கட்டுப்படுத்த முடியாமல் போலீசார் திணறல்

ஊரடங்கை மீறி ஏரியில் திரண்டு மீன்பிடித்த கிராம மக்கள் கட்டுப்படுத்த முடியாமல் போலீசார் திணறல்
குன்னம் அருகே ஊரடங்கை மீறி ஏரியில் திரண்டு மீன்பிடித்த கிராம மக்களை கட்டுப்படுத்த முடியாமல் போலீசார் திணறினர்.
குன்னம்,

பெரம்பலூர் மாவட்டம் குன்னம் அருகே உள்ள வேப்பூரில் பொதுப்பணித்துறைக்கு சொந்தமான 64 ஏக்கர் பரப்பளவு கொண்ட பெரிய ஏரி, வேப்பூர் கிராமத்தை சேர்ந்த சங்கர் என்பவருக்கு ரூ.1.25 லட்சத்திற்கு ஏலம் விடப்பட்டது. அந்த ஏரியில் அவர் 40 ஆயிரம் மீன் குஞ்சுகள் விட்டு வளர்த்தார். தற்போது ஏரியில் சுமார் 4 ஏக்கர் பரப்பளவில் மட்டுமே தண்ணீர் உள்ளது. இந்த ஏரியில் வேப்பூர் சுற்றுப்பகுதிகளை சேர்ந்த கிராம மக்கள் சார்பில் ஆண்டுதோறும் மீன்பிடி திருவிழா நடைபெறுவது வழக்கம். ஆனால் இந்தாண்டு கொரோனா பரவலை தடுக்கும் விதமாக ஊரடங்கு அமலில் உள்ளதால், மீன்பிடி திருவிழா நடத்துவதில் சிக்கல் ஏற்பட்டது.


போலீசார் திணறல்

இந்நிலையில் நேற்று காலை திடீரென தடையை மீறி இந்த ஏரியில் வேப்பூர் சுற்றுப்பகுதி கிராம மக்கள் வலை, வேட்டி மற்றும் சேலையை பயன்படுத்தி மீன்பிடி திருவிழாவை நடத்தினர். இதில் வேப்பூர், நன்னை கல்லை, ஓலைப்பாடி, வயலப்பாடி, கீரனூர், பரவாய், வைத்தியநாதபுரம், ஆண்டிகுரும்பலூர், முருக்கன்குடி, நமையூர், பெருமத்தூர், குடிகாடு, எறையூர், வாலிகண்டபுரம், கீழப்புலியூர் உள்பட 25 கிராம பகுதிகளை சேர்ந்த சுமார் 2 ஆயிரத்து 500-க்கும் மேற்பட்டோர் திரண்டு, ஏரியில் இறங்கி மீன்களை பிடித்தனர். இதில் அவர்கள் ஒரு கிலோ எடை உள்ள கெண்டை, ஜிலேபி உள்ளிட்ட மீன்களை பிடித்து அள்ளிச்சென்றனர்.

சமூக இடைவெளி இல்லாமல் ஆயிரக்கணக்கானோர் ஒரே இடத்தில் திரண்டு மீன்பிடி திருவிழா நடத்தியது, அதிகாரிகள் மத்தியில் அதிர்ச்சியை ஏற்படுத்தி உள்ளது. இதற்கிடையே மீன்பிடி திருவிழா பற்றி தகவல் அறிந்த குன்னம் போலீஸ் சப்-இன்ஸ்பெக்டர் பாலு தலைமையிலான போலீசார் விரைந்து வந்து பொதுமக்களை கலைந்து போக சொல்லி வலியுறுத்தினார். ஆனால், பொதுமக்கள் ஆளுக்கு ஒருபக்கமாக ஏரிக்குள் இறங்கியதால், அவர்களை கட்டுப்படுத்த முடியாமல் போலீசார் திணறினர்.

தொடர்புடைய செய்திகள்

1. ஊரடங்கை மீறி மீன்பிடி திருவிழா நடத்திய பொதுமக்கள் போலீசாரை கண்டதும் ஓட்டம்
விருத்தாசலம் அருகே ஊரடங்கை மீறி மீன்பிடி திருவிழா நடந்தது. போலீசாரை கண்டதும் 3 கிராம மக்கள் ஓடியதால் பரபரப்பு ஏற்பட்டது.
2. நடுக்கடலில் ராமேசுவரம் மீனவர்கள் 86 பேரை கைது செய்த இலங்கை கடற்படை
இலங்கை கடற்படையால் ராமேசுவரத்தை சேர்ந்த 86 மீனவர்கள் நடுக்கடலில் கைது செய்யப்பட்டனர். கொரோனா அச்சம் காரணமாக உடனடியாக அவர்களை விடுவித்தனர்.
3. மீன்பிடி தடைக்காலம், கொரோனா 2-வது அலையால் நாகை மாவட்டத்தில் ஒரு நாளில் ரூ.5 கோடி மீன் வர்த்தகம் பாதிப்பு
மீன்பிடி தடைக்காலம் மற்றும் கொரோனா 2-வது அலையால் நாகை மாவட்டத்தில் ஒரு நாளில் ரூ.5 கோடிக்கு மீன் வர்த்தகம் பாதிக்கப்பட்டு உள்ளது. இதனால் 1 லட்சம் பேருக்கு வருமான இழப்பு ஏற்பட்டு உள்ளது.
4. “மகிழ்ச்சியின் திருவிழா, உயர்வு” - பிரதமர் மோடி ஹோலி பண்டிகை வாழ்த்து
பிரதமர் நரேந்திர மோடி மக்களுக்கு ஹோலி பண்டிகை வாழ்த்துக்களை தெரிவித்துள்ளார்.
5. சின்ன மாரியம்மன் கோவில் திருவிழா
எடப்பாடி அருகே கவுண்டம்பட்டியில் சின்ன மாரியம்மன் கோவில் திருவிழா தலையில் தேங்காய் உடைத்து பக்தர்கள் நேர்த்திக்கடன்.