மாவட்ட செய்திகள்

வெளி மாவட்டங்களுக்கு செல்ல தடை: சேலத்தில் 30 சதவீத பஸ்கள் மட்டுமே இயக்கம் புதிய பஸ் நிலையம் வெறிச்சோடியது + "||" + Prohibition to go to outer districts: Only 30 per cent of buses in Salem were driven by the new bus station

வெளி மாவட்டங்களுக்கு செல்ல தடை: சேலத்தில் 30 சதவீத பஸ்கள் மட்டுமே இயக்கம் புதிய பஸ் நிலையம் வெறிச்சோடியது

வெளி மாவட்டங்களுக்கு செல்ல தடை: சேலத்தில் 30 சதவீத பஸ்கள் மட்டுமே இயக்கம் புதிய பஸ் நிலையம் வெறிச்சோடியது
வெளி மாவட்டங்களுக்கு போக்குவரத்து நிறுத்தப்பட்டதை தொடர்ந்து சேலத்தில் 30 சதவீத பஸ்கள் மட்டுமே இயக்கப்பட்டது. இதனால் புதிய பஸ் நிலையம் பயணிகள் நடமாட்டம் இன்றி வெறிச்சோடி காணப்பட்டது.
சேலம்,

தமிழகத்தில் கொரோனா தடுப்பு நடவடிக்கையாக மண்டலங்களுக்கு இடையே இயக்கப்பட்டு வந்த அரசு பஸ் போக்குவரத்து நிறுத்தப்பட்டு மாவட்டங்களுக்குள் மட்டுமே நேற்று முதல் பஸ்கள் இயக்கப்படுகின்றன. ஒரு மாவட்டத்தில் இருந்து மற்றொரு மாவட்டத்துக்கு செல்ல வேண்டுமென்றால் ‘இ-பாஸ்’ பெற்றால் மட்டுமே செல்ல முடியும்.


இதனால் மாவட்ட எல்லைகள் மூடப்பட்டுள்ளன. சேலத்தில் இருந்து நாமக்கல், கரூர், ஈரோடு, திருப்பூர், கோவை, நீலகிரி ஆகிய மாவட்டங்களுக்கு இயக்கப்பட்டு வந்த அரசு மற்றும் தனியார் பஸ்கள் தற்போது நிறுத்தப்பட்டுள்ளன. சேலம் மாவட்டத்தில் இருந்து 50 சதவீத பஸ்கள் இயக்கப்பட்டு வந்த நிலையில் நேற்று முதல் 30 சதவீத பஸ்கள் மட்டுமே இயக்கப்பட்டன. இதனால் சேலம் புதிய பஸ் நிலையத்தில் பயணிகள் நடமாட்டம் இன்றி வெறிச்சோடி காணப்பட்டது.

நஷ்டம்

அதே சமயம் புதிய பஸ் நிலையத்தில் இருந்து ஓமலூர், மேட்டூர், மேச்சேரி, ஆத்தூர், எடப்பாடி, ஏற்காடு ஆகிய பகுதிகளுக்கு மட்டுமே பஸ்கள் இயக்கப்பட்டன. அந்த பஸ்களிலும் மிகவும் குறைவான அளவிலே பயணிகள் அமர்ந்திருந்தனர். இதனால் அரசு போக்குவரத்து கழகத்திற்கு பெரும் நஷ்டம் ஏற்பட்டுள்ளது.

இதுகுறித்து போக்குவரத்து கழக அதிகாரிகள் கூறுகையில், சேலத்தில் இருந்து ஆத்தூர், எடப்பாடி, தாரமங்கலம் உள்ளிட்ட முக்கிய இடங்களுக்கு மட்டுமே பஸ்கள் இயக்கப்பட்டு வருகிறது. தற்போது 324 அரசு பஸ்கள், 70 தனியார் பஸ்கள் மட்டுமே இயக்கப்படுகின்றன, என்றனர். இதேபோல் சேலம் பழைய பஸ் நிலையத்தில் இருந்து வழக்கமாக இயக்கப்படும் ஜங்சன் ரெயில் நிலையம், கோரிமேடு, கன்னங்குறிச்சி, ஓமலூர், தாரமங்கலம் உள்ளிட்ட பல்வேறு வழித்தடங்களில் அரசு மற்றும் தனியார் டவுன் பஸ்கள் இயக்கப்படுகின்றன. இந்த பஸ்களில் பயணம் மேற்கொள்ளும் பயணிகள் அனைவரும் முக கவசம் அணிந்து பயணம் செய்ததை காணமுடிந்தது.

தொடர்புடைய செய்திகள்

1. திருச்சியில் இருந்து வெளி மாவட்டங்களுக்கு பஸ், ரெயில் போக்குவரத்து தொடங்கியது
திருச்சியில் இருந்து வெளி மாவட்டங்களுக்கு பஸ், ரெயில் போக்குவரத்து தொடங்கியது. இதனால் மக்கள் மகிழ்ச்சியான பயணத்தை மேற்கொண்டனர்.
2. மாவட்டங்களுக்கு இடையே பஸ் போக்குவரத்து: நெல்லை மண்டலத்தில் 540 பஸ்கள் இன்று இயக்கம்
மாவட்டங்களுக்கு இடையே பஸ் போக்குவரத்து இன்று (திங்கட்கிழமை) மீண்டும் தொடங்கப்படுகிறது. இதையொட்டி நெல்லை மண்டலத்தில் 540 பஸ்கள் இயக்கப்படுகிறது.
3. பஸ் போக்குவரத்து தொடங்கினாலும் பயணிகள் கூட்டமின்றி வெறிச்சோடி காணப்படும் ஈரோடு பஸ் நிலையம்
பஸ் போக்குவரத்து தொடங்கினாலும் பயணிகள் கூட்டமின்றி ஈரோடு பஸ் நிலையம் வெறிச்சோடி காணப்படுகிறது.
4. வெளி மாவட்டங்களுக்கு பஸ்கள் இயக்கப்படாததால் பயணிகள் கூட்டம் இன்றி காணப்பட்ட தஞ்சை புதிய பஸ் நிலையம்
வெளி மாவட்டங்களுக்கு பஸ்கள் இயக்கப்படாததால் பயணிகள் கூட்டம் இன்றி தஞ்சை புதிய பஸ் நிலையம் காணப்பட்டது. மேலும் இந்த பஸ் நிலையத்தில் பெண்கள் தனியாக அமர 2 இடங்களில் இரும்பு கூண்டுகளும் அமைக்கப்பட்டுள்ளன.
5. பல்லடத்தில் பஸ்கள் இயக்கப்படாததால் வெறிச்சோடிய பஸ் நிலையம்
பல்லடத்தில் இருந்து கோவை, ஈரோடு போன்ற வெளி மாவட்டங்களுக்கு பஸ்கள் இயங்காததால் பயணிகள் கூட்டமின்றி பஸ் நிலையம் வெறிச்சோடி காணப்பட்டது.