மாவட்ட செய்திகள்

முக்கியத்துவம் வாய்ந்த வழக்குகளில் ஆஜராக சிறப்பு மூத்த வக்கீலாக ஏ.எல்.சோமயாஜி நியமனம் தமிழக அரசு உத்தரவு + "||" + The Government of Tamil Nadu has appointed AL Somayaji as the Special Senior Advocate to appear in important cases

முக்கியத்துவம் வாய்ந்த வழக்குகளில் ஆஜராக சிறப்பு மூத்த வக்கீலாக ஏ.எல்.சோமயாஜி நியமனம் தமிழக அரசு உத்தரவு

முக்கியத்துவம் வாய்ந்த வழக்குகளில் ஆஜராக சிறப்பு மூத்த வக்கீலாக ஏ.எல்.சோமயாஜி நியமனம் தமிழக அரசு உத்தரவு
சிறப்பு முக்கியத்துவம் வாய்ந்த வழக்குகளில் தமிழக அரசு சார்பில் ஆஜராக சிறப்பு மூத்த வக்கீலாக ஏ.எல்.சோமயாஜி நியமிக்கப்பட்டுள்ளார்.
சென்னை,

சென்னை ஐகோர்ட்டில் மூத்த வக்கீலாக இருப்பவர் ஏ.எல்.சோமயாஜி. இவர், ஏற்கனவே 2001-ம் ஆண்டு முதல் 2006-ம் ஆண்டு வரை கூடுதல் அட்வகேட் ஜெனரலாகவும், 2013-ம் ஆண்டு முதல் 2016-ம் ஆண்டு வரை அட்வகேட் ஜெனரலாகவும் பதவி வகித்தவர். இந்தநிலையில், இவரை தமிழக அரசின் சிறப்பு மூத்த வக்கீலாக நியமித்து அரசு உத்தரவு பிறப்பித்துள்ளது.


அதாவது முக்கியத்துவம் வாய்ந்த, சட்ட சிக்கலான தன்மையுடைய வழக்குகளில் இவர் தமிழக அரசு சார்பில் ஆஜராக இந்த புதிய பதவி உருவாக்கப்பட்டு உள்ளது.

இவருக்கு அட்வகேட் ஜெனரலுக்கு வழங்கப்படும் ஊதியம் மற்றும் இதர சலுகைகள் அனைத்தும் வழங்கப்படும். இதற்கான உத்தரவை தமிழக கவர்னரின் ஒப்புதலுடன், தமிழக அரசின் பொதுத்துறை முதன்மை செயலாளர் செந்தில்குமார் பிறப்பித்துள்ளார்.

விதிகள் கமிட்டி செயலாளர்

தமிழக அரசின் சிறப்பு மூத்த வக்கீலாக நியமிக்கப்பட்டுள்ள ஏ.எல்.சோமயாஜியின் பெற்றோர் அய்யாலு, ஆவுடைதாய் ஆவார். இவருக்கு சொந்த ஊர் நெல்லை மாவட்டம், சேரன்மகாதேவி என்றாலும், வளர்ந்தது தூத்துக்குடி. அங்குள்ள கால்டுவெல் மேல்நிலைப்பள்ளியிலும், வ.உ.சி. கல்லூரியிலும் படித்தார். சட்டப்படிப்பை திருவனந்தபுரம் சட்டக்கல்லூரியில் முடித்தார். பார் கவுன்சிலில் வக்கீலாக பதிவு செய்து, ‘ஐய்யர் அண்டு டோலியா’ வக்கீல் அலுவலகத்தில் ஜூனியராக சேர்ந்தார்.

இவரை 1995-ம் ஆண்டு மூத்த வக்கீலாக சென்னை ஐகோர்ட்டு அறிவித்தது. ஏராளமான சட்டப்புத்தகங்களை எழுதியுள்ள இவர், கடந்த 10 ஆண்டுகளுக்கு மேலாக ஐகோர்ட்டின் விதிகள் உருவாக்கும் கமிட்டியின் செயலாளராக இருந்து வருகிறார்.

தொடர்புடைய செய்திகள்

1. இ-பாஸ் வழங்க லஞ்சம் பெறும் அதிகாரிகளை இரும்புக்கரம் கொண்டு ஒடுக்க வேண்டும் ஐகோர்ட்டு உத்தரவு
ஊரடங்கு நேரத்தில் பொதுமக்கள் அவதிப்படும் நிலையில், பணத்தை பெற்றுக்கொண்டு இ-பாஸ் வழங்கும் அரசு அதிகாரிகளை இரும்புக்கரம் கொண்டு ஒடுக்க வேண்டும் என்று ஐகோர்ட்டு உத்தரவிட்டு உள்ளது.
2. படப்பிடிப்புகளில் கலந்து கொள்ள 65 வயதுக்கு மேற்பட்டவர்களுக்கு விதிக்கப்பட்ட தடை நீக்கம் ஐகோர்ட்டு உத்தரவு
65 வயதுக்கு மேற்பட்டவர்கள் படப்பிடிப்புகளில் கலந்து கொள்ள விதிக்கப்பட்டு இருந்த தடை மும்பை ஐகோர்ட்டு உத்தரவால் நீக்கப்பட்டுள்ளது.
3. போதை மறுவாழ்வு மையம் அருகே பாருடன் கூடிய மதுக்கடை; மூடும்படி நீதிபதிகள் உத்தரவு
தேனியில் போதை மறுவாழ்வு மையம் அருகே அமைந்த மதுக்கடையை உடனடியாக மூடும்படி உயர்நீதிமன்ற மதுரைக்கிளை நீதிபதிகள் இன்று உத்தரவிட்டனர்.
4. வருகிற 10-ந் தேதி முதல் தமிழகத்தில் உடற்பயிற்சி கூடங்களுக்கு அனுமதி எடப்பாடி பழனிசாமி உத்தரவு
தமிழகம் முழுவதும் 10-ந் தேதியில் இருந்து தனியார் உடற்பயிற்சி கூடங்கள் இயங்கலாம் என்று முதல்-அமைச்சர் எடப்பாடி பழனிசாமி உத்தரவிட்டுள்ளார்.
5. ஊரடங்கு காலத்தில் மாணவர்களுக்கு எப்படி முட்டை வழங்குவது? அரசு முடிவு செய்ய, ஐகோர்ட்டு உத்தரவு
மாணவர்களுக்கு எப்படி முட்டை வழங்குவது என்பது குறித்து தமிழக அரசு முடிவு செய்ய வேண்டும் என்று சென்னை ஐகோர்ட்டு உத்தரவிட்டுள்ளது.