மாவட்ட செய்திகள்

100 நாள் வேலை திட்ட பணியாளர்கள் 9 பேருக்கு கொரோனா 3 நாட்களுக்கு கடைகளை அடைக்க வருவாய் அதிகாரி உத்தரவு + "||" + Revenue officer orders 9 100-day project staff to close shops in Corona for 3 days

100 நாள் வேலை திட்ட பணியாளர்கள் 9 பேருக்கு கொரோனா 3 நாட்களுக்கு கடைகளை அடைக்க வருவாய் அதிகாரி உத்தரவு

100 நாள் வேலை திட்ட பணியாளர்கள் 9 பேருக்கு கொரோனா 3 நாட்களுக்கு கடைகளை அடைக்க வருவாய் அதிகாரி உத்தரவு
தோகைமலை அருகே நாகனூர் ஊராட்சியில் நடந்த சிறப்பு மருத்துவ முகாம் பரிசோதனையில் 100 நாள் வேலை திட்ட பணியாளர்கள் 9 பேருக்கு கொரோனா தொற்று உறுதி செய்யப்பட்டதை தொடர்ந்து அந்த பகுதியில் உள்ள கடைகளை 3 நாட்களுக்கு அடைக்க மாவட்ட வருவாய் அதிகாரி உத்தரவிட்டார்.
தோகைமலை,

கரூர் மாவட்டம் தோகைமலை அருகில் நாகனூர் ஊராட்சி பகுதிகளில் சுகாதாரத் துறை சார்பாக சிறப்பு மருத்துவ முகாம் நடந்தது. இந்த முகாமில் 100 நாள் வேலை திட்ட பணியாளர்கள் 64 பேருக்கு கொரோனா பரிசோதனை மேற்கொள்ளப்பட்டது. இந்த பரிசோதனை முடிவில் 2 ஆண்கள், 7 பெண்கள் என மொத்தம் 9 பேருக்கு கொரோனா வைரஸ் தொற்று உறுதி செய்யப்பட்டது. இதனையடுத்து அவர்களை கரூர் அரசு மருத்துவமனை மற்றும் அரசு மருத்துவக் கல்லூரி மருத்துவமனைக்கு அதிகாரிகள் சிகிச்சைக்காக அனுப்பி வைத்தனர்.


தொடர்ந்து நாகனூர் ஊராட்சி முழுவதும் கிருமி நாசினி தெளிக்கப்பட்டு நாகனூரில் சிறப்பு மருத்துவ முகாம் நடத்தப்பட்டது. இந்த மருத்துவ முகாமை மாவட்ட வருவாய் அதிகாரி ராஜேந்திரன் ஆய்வு செய்தார். அப்போது சளி, இருமல் இருந்தால் கொரோனா இருக்கும் என தவறான கண்ணோட்டத்தில் அச்சம் அடைந்து மருத்துவ முகாமிற்கு பொதுமக்கள் யாரும் வரவில்லை என தெரியவந்தது. இதனால் அதிர்ச்சி அடைந்த மாவட்ட வருவாய் அதிகாரி நாகூர் பகுதியில் உள்ள கடைகளை 3 நாட்களுக்கு அடைக்க உத்தரவிட்டார்.

கடைகள் அடைப்பு

அதைத் தொடர்ந்து பொது மக்களுக்கு அறிவுரை கூறி மருத்துவ சிறப்பு முகாமிற்கு அழைத்து வரவேண்டும் என வருவாய் அலுவலர் மற்றும் ஊராட்சி அலுவலர்களுக்கு உத்தரவிட்டார். இந்த ஆய்வின் போது, ஊராட்சி தலைவர் லதா ராஜா, தோகைமலை வருவாய் ஆய்வாளர் நீதிராஜன், ஊராட்சி செயலாளர் ரமேஷ் உள்பட பலர் கலந்து கொண்டனர். மாவட்ட வருவாய் அதிகாரியின் உத்தரவை தொடர்ந்து நாகனூர் பகுதியில் கடைகள் அடைக்கப்பட்டன.

தொடர்புடைய செய்திகள்

1. அரசு ஆரம்ப சுகாதார நிலையத்தில் குழந்தைகளுக்கான இதய பரிசோதனை முகாம்
பள்ளி சிறார் மருத்துவக்குழு சார்பில், வீரபாண்டி மேம்படுத்தப்பட்ட அரசு ஆரம்ப சுகாதார நிலையத்தில் குழந்தைகளுக்கான இதய பரிசோதனை சிறப்பு முகாம் நேற்று நடந்தது.
2. வேலூர், திருப்பத்தூர், ராணிப்பேட்டை மாவட்டங்களில் சிறப்பு துணைத்தேர்வை 2,599 பேர் எழுதினர்
வேலூர், திருப்பத்தூர், ராணிப்பேட்டை மாவட்டங்களில் சிறப்பு துணைத்தேர்வை 2,599 பேர் எழுதினர் 758 பேர் பங்கேற்கவில்லை.
3. கெலமங்கலம் அருகே, மழை வேண்டி ஏரியில் தேவதைகளுக்கு சிறப்பு பூஜை 40 கிராம மக்கள் பங்கேற்பு
கெலமங்கலம் அருகே, மழை வேண்டி ஏரியில் கிராம தேவதைகளுக்கு சிறப்பு பூஜை நடத்தி 40 கிராம மக்கள் வழிபட்டனர்.
4. புரட்டாசி மாத முதல் சனிக்கிழமை: பெருமாள் கோவில்களில் குவிந்த பக்தர்கள்
புரட்டாசி மாத முதல் சனிக்கிழமையை யொட்டி தேனி மாவட்டத்தில் உள்ள பெருமாள் கோவில்களில் வழிபாட்டிற்காக பக்தர்கள் குவிந்தனர்.
5. புரட்டாசி மாத முதல் சனிக்கிழமையையொட்டி பெருமாள் கோவில்களில் சிறப்பு வழிபாடு
புரட்டாசி மாத முதல் சனிக்கிழமையையொட்டி பெருமாள் கோவில்களில் சிறப்பு வழிபாடு நடந்தது.

அதிகம் வாசிக்கப்பட்டவை