மாவட்ட செய்திகள்

கொரோனா தடுப்பு பணியில் ஈடுபட்ட செவிலியர்களுக்கு சம்பளம் தரவில்லை கலெக்டர் அலுவலகத்தில் மனு + "||" + Petition to the Collector's Office for non-payment of salaries to nurses involved in corona prevention work

கொரோனா தடுப்பு பணியில் ஈடுபட்ட செவிலியர்களுக்கு சம்பளம் தரவில்லை கலெக்டர் அலுவலகத்தில் மனு

கொரோனா தடுப்பு பணியில் ஈடுபட்ட செவிலியர்களுக்கு சம்பளம் தரவில்லை கலெக்டர் அலுவலகத்தில் மனு
குமரி மாவட்டத்தில் கொரோனா தடுப்பு பணியில் ஈடுபட்ட செவிலியர்களுக்கு சம்பளம் தரவில்லை என்று கூறி செவிலியர்கள் கலெக்டர் அலுவலகத்தில் புகார் மனு அளித்தனர்.
நாகர்கோவில்,

தமிழகம் முழுவதும் கொரோனா தடுப்பு பணிக்காக ஒப்பந்த முறையில் செவிலியர்கள் பணிக்கு எடுக்கப்பட்டனர். குமரி மாவட்டத்தில் மட்டும் 100-க்கும் அதிகமான செவிலியர்கள் ஒப்பந்த முறையில் 2 மாதங்களாக பணியாற்றி வந்தனர். இந்த நிலையில் கொரோனா தடுப்பு பணியில் ஈடுபட்ட 40-க்கும் மேற்பட்ட செவிலியர்கள் நேற்று நாகர்கோவிலில் உள்ள மாவட்ட கலெக்டர் அலுவலகத்துக்கு வந்து ஒரு புகார் மனு அளித்தனர். அந்த மனுவில் கூறப்பட்டு இருப்பதாவது:-


நாங்கள் கொரோனா பேரிடர் கால கட்டத்தில் தடுப்பு பணிக்காக எங்களது உயிரையும் பொருட்படுத்தாமல் தன்னார்வத்துடன் அரசின் நோய்த்தொற்று தடுப்பு கவனிப்பு மையத்தில் பணி செய்து கொண்டிருக்கிறோம். தற்போது எங்கள் பணிகள் நிறைவடைய போவதாக அறிகிறோம். இதனால் நாங்கள் வேலையிழக்கும் நிலை ஏற்பட்டு உள்ளது.

சம்பளம் தரவில்லை

கொரோனா தடுப்பு பணிக்கு குறைவான சம்பளம் என்றாலும் அதை பொருட்படுத்தாமல் ஏற்கனவே பார்த்து வந்த வேலையை விட்டுவிட்டு பணிக்கு வந்தோம். தற்போது நாங்கள் ஏற்கனவே பார்த்த வேலைக்கு செல்ல முடியாத சூழல் ஏற்பட்டுள்ளது. மேலும் கொரோனா தடுப்பு பணியில் எங்களுக்கு கொடுப்பதாக கூறிய சம்பளம் இன்னும் தரவில்லை. எனவே தரவேண்டிய சம்பளத்தை உடனே தரவேண்டும்.

அதோடு எங்களது எதிர்காலத்தை கருத்தில் கொண்டு அரசு பணிகளிலோ அல்லது அரசு உதவி பெறும் சுகாதாரம் சார்ந்த பணிகளிலோ எங்களை நியமிக்க வேண்டும்.

இவ்வாறு அதில் கூறப்பட்டு இருந்தது.

தொடர்புடைய செய்திகள்

1. அடிப்படை வசதிகளை நிறைவேற்ற நிதி ஒதுக்கீடு செய்ய வேண்டும் ஊராட்சி மன்ற தலைவர்கள் கலெக்டரிடம் மனு
பாப்பிரெட்டிப்பட்டி ஊராட்சி ஒன்றியத்திற்குட்பட்ட கிராமப்புற பகுதிகளில் அடிப்படை வசதிகளை நிறைவேற்ற தேவையான நிதியை ஒதுக்கீடு செய்ய வேண்டும் என்று ஊராட்சி மன்ற தலைவர்கள் கூட்டமைப்பினர் கலெக்டர் மலர்விழியிடம் கோரிக்கை மனு அளித்தனர்.
2. ஏரிகளில் ஆக்கிரமிப்புகளை அகற்றக்கோரி வட்டார வளர்ச்சி அலுவலரிடம் கிராம மக்கள் மனு
அரியலூர் மாவட்டம் திருமானூர் ஒன்றியத்துக்குட்பட்ட விளாகம் கிராமத்தில் பெருமாள் உடையார் ஏரி மற்றும் பாம்பன் உடையார் ஏரி ஆகிய ஏரிகள் உள்ளன.
3. காவிரி ஆற்றின் உபரி நீரை சித்தாம்பூர் ஏரிக்கு திருப்பி விட வேண்டும் கலெக்டரிடம் விவசாயிகள் மனு
காவிரி ஆற்றின் உபரி நீரை சித்தாம்பூர் ஏரிக்கு திருப்பிவிட வேண்டும் என்று விவசாயிகள் கலெக்டரிடம் மனு கொடுத்தனர்.
4. தேசிய நெடுஞ்சாலையை மாற்று வழியில் அமைக்க வேண்டும் கலெக்டரிடம், கிராம மக்கள் கோரிக்கை
தேசிய நெடுஞ்சாலையை மாற்று வழியில் அமைக்க வேண்டும் என்று கலெக்டரிடம், கிராமமக்கள் கோரிக்கை விடுத்துள்ளனர்.
5. சிவகிரி அருகே நிட்சோபதி ஆற்றில் மணல் அள்ள எதிர்ப்பு கலெக்டர் அலுவலகத்தில் கிராம மக்கள் மனு
சிவகிரி அருகே நிட்சோபதி ஆற்றில் மணல் அள்ள எதிர்ப்பு தெரிவித்து கலெக்டர் அலுவலகத்தில் கிராம மக்கள் மனு கொடுத்தனர்.