மாவட்ட செய்திகள்

காவிரி நீர்ப்பிடிப்பு பகுதிகளில் கனமழை: ஒகேனக்கல்லுக்கு நீர்வரத்து வினாடிக்கு 17 ஆயிரம் கனஅடியாக அதிகரிப்பு + "||" + Heavy rains in Cauvery catchment areas: Water level rises to 17,000 cubic feet per second at Okanagan.

காவிரி நீர்ப்பிடிப்பு பகுதிகளில் கனமழை: ஒகேனக்கல்லுக்கு நீர்வரத்து வினாடிக்கு 17 ஆயிரம் கனஅடியாக அதிகரிப்பு

காவிரி நீர்ப்பிடிப்பு பகுதிகளில் கனமழை: ஒகேனக்கல்லுக்கு நீர்வரத்து வினாடிக்கு 17 ஆயிரம் கனஅடியாக அதிகரிப்பு
காவிரி நீர்ப்பிடிப்பு பகுதிகளில் பெய்த கனமழை காரணமாக ஒகேனக்கல்லுக்கு நீர்வரத்து வினாடிக்கு 17 ஆயிரம் கனஅடியாக அதிகரித்துள்ளது.
பென்னாகரம்,

கர்நாடகா மற்றும் தமிழக காவிரி நீர்ப்பிடிப்பு பகுதிகளில் தொடர்ந்து கனமழை பெய்து வருகிறது. இதன்காரணமாக தர்மபுரி மாவட்டம் ஒகேனக்கல்லுக்கு நீர்வரத்து அதிகரிப்பதும், குறைவதுமாக உள்ளது. இதனிடையே கடந்த 15 நாட்களுக்கும் மேலாக கர்நாடக-தமிழக காவிரி நீர்ப்பிடிப்பு பகுதிகளில் கனமழை பெய்து வருகிறது. இதன் காரணமாக தர்மபுரி மாவட்டம் ஒகேனக்கல்லுக்கு நீர்வரத்து அதிகரித்தது.


இந்த நிலையில் நேற்று முன்தினம் ஒகேனக்கல்லுக்கு வினாடிக்கு 13 ஆயிரம் கனஅடி தண்ணீர் வந்து கொண்டிருந்தது. இந்த நீர்வரத்து படிப்படியாக அதிகரிக்க தொடங்கியது. நேற்று மதியம் 2 மணி நிலவரப்படி ஒகேனக்கல்லுக்கு நீர்வரத்து வினாடிக்கு 17 ஆயிரம் கனஅடியாக அதிகரித்தது. இதன் காரணமாக ஒகேனக்கல் காவிரி ஆற்றில் தண்ணீர் கரைபுரண்டு ஓடியது.

தீவிர கண்காணிப்பு

மேலும் ஒகேனக்கல்லில் உள்ள ஐந்தருவி, மெயின் அருவி, சினிபால்ஸ் உள்ளிட்ட அருவிகளிலும் தண்ணீர் ஆர்ப்பரித்து கொட்டியது. நீர்வரத்து அதிகரித்துள்ளதால் ஒகேனக்கல் காவிரி ஆற்றின் கரையோர பகுதிகளில் போலீசார் மற்றும் தீயணைப்பு படையினர் தீவிர ரோந்து சென்று கண்காணிப்பு பணியில் ஈடுபட்டுள்ளனர்.

காவிரி ஆற்றில் நீர்வரத்தை தமிழக-கர்நாடக மாநில எல்லையான பிலிகுண்டுலுவில் மத்திய நீர்வளத்துறை அதிகாரிகள் தீவிரமாக கண்காணித்து வருகின்றனர்.

மேட்டூர்

மேட்டூர் அணைக்கு நேற்று முன்தினம் நீர்வரத்து வினாடிக்கு 8 ஆயிரத்து 622 கனஅடியாக குறைந்தது. இந்த நிலையில் நீர்ப்பிடிப்பு பகுதிகளில் பெய்துவரும் மழையின் அளவு சற்று அதிகரித்துள்ளது. இதன் காரணமாக மேட்டூர் அணைக்கு நீர்வரத்து அதிகரித்துள்ளது. நேற்று காலை நிலவரப்படி அணைக்கு வினாடிக்கு 12 ஆயிரத்து 894 கன அடி வீதம் தண்ணீர் வந்து கொண்டிருந்தது.

இந்த நீர்வரத்தானது மேலும் அதிகரிக்குமானால் அணை நீர்மட்டம் உயர வாய்ப்புள்ளது. நேற்று காலை நிலவரப்படி அணை நீர்மட்டம் 91.78 அடியாக இருந்தது. அணையிலிருந்து வினாடிக்கு 15 ஆயிரத்து 500 கன அடி வீதம் தண்ணீர் திறந்து விடப்படுகிறது.

தொடர்புடைய செய்திகள்

1. கொளத்தூர் அருகே காவிரி நீர்த்தேக்க பகுதி பச்சை நிறமாக மாறியது
கொளத்தூர் அருகே காவிரி நீர்த்தேக்க பகுதியில் தண்ணீர் பச்சை நிறமாக மாறி உள்ளது.
2. கடந்த 24 மணி நேரத்தில் குடகு மாவட்டத்தில் 142 மி.மீ. மழை கொட்டியது மேலும் 3 நாட்களுக்கு கனமழைக்கு வாய்ப்பு
குடகு மாவட்டத்தில் கடந்த 24 மணி நேரத்தில் 142 மி.மீ. மழை கொட்டி தீர்த்தது. மேலும் 3 நாட்களுக்கு கனமழை பெய்யும் என்றும் அறிவிக்கப்பட்டு உள்ளது.
3. காவிரியில் கழிவு நீர் கலக்கும் ஆலைகள் மீது நடவடிக்கை - டாக்டர் அன்புமணி ராமதாஸ் எம்.பி. வலியுறுத்தல்
காவிரியில் கழிவு நீர் கலக்கும் ஆலைகள் மீது நடவடிக்கை எடுக்க வேண்டும் என்று டாக்டர் அன்புமணி ராமதாஸ் எம்.பி. வலியுறுத்தி உள்ளார்.