மாவட்ட செய்திகள்

மின்சார ரெயில்களில் டப்பாவாலாக்கள் பயணிக்கலாம் மத்திய, மேற்கு ரெயில்வே அறிவிப்பு + "||" + Tabbawalas can travel on electric trains Central and Western Railway Notice

மின்சார ரெயில்களில் டப்பாவாலாக்கள் பயணிக்கலாம் மத்திய, மேற்கு ரெயில்வே அறிவிப்பு

மின்சார ரெயில்களில் டப்பாவாலாக்கள் பயணிக்கலாம் மத்திய, மேற்கு ரெயில்வே அறிவிப்பு
மின்சார ரெயில்களில் பயணிக்க டப்பாவாலாக்களுக்கு அனுமதி அளித்து இருப்பதாக மத்திய, மேற்கு ரெயில்வேக்கள் தெரிவித்து உள்ளன.
மும்பை,

மும்பையில் அலுவலகம் செல்வோருக்கு அவர்களது வீட்டில் இருந்து மதிய உணவை டிபன் பாக்ஸ்களில் வாங்கி கொண்டு, சுடச்சுட பணியிடங்களுக்கே சென்று வழங்கி வரும் டப்பாவாலாக்களின் சேவையும் கடந்த 6 மாதத்துக்கு மேலாக கொரோனா ஊரடங்கால் முடங்கி போனது. இந்த டப்பாவாலாக்கள் தங்களது வேலைக்காக மின்சார ரெயில்களையே பயன்படுத்தி வந்தனர்.


தற்போது அத்தியாவசிய ஊழியர்களுக்காக இயக்கப்பட்டு வரும் மின்சார ரெயில்களில் தங்களையும் அனுமதிக்க வேண்டும் என்று அரசுக்கு கோரிக்கை வைத்தனர். அதனை ஏற்று கடந்த மாதம் 30-ந் தேதி மாநில அரசு அறிவித்த தளர்வுகளில் டப்பாவாலாக்களுக்கு கியூ.ஆர். கோர்டுடன் கூடிய அடையாள அட்டை வழங்கப்பட்டு, அவர்கள் மின்சார ரெயிலில் பயணிக்க அனுமதிக்கப்படுவார்கள் என்று தெரிவிக்கப்பட்டது.

ரெயில்வேக்கள் அறிவிப்பு

இந்தநிலையில் மின்சார ரெயில்களில் டப்பாவாலாக்கள் அனுமதிக்கப்படுவார்கள் என்று நேற்று மத்திய மற்றும் மேற்கு ரெயில்வே அறிவித்தன. இதற்கு டப்பாவாலாக்கள் மகிழ்ச்சி தெரிவித்து உள்ளனர். அதே வேளையில் கியூ.ஆர். கோர்டுடன் கூடிய அடையாள அட்டையை கட்டாயமாக்கக்கூடாது, தாங்கள் பயன்படுத்தி வரும் அடையாள அட்டையுடன் பயணிக்க அனுமதிக்க வேண்டும் என்று அவர்கள் ரெயில்வேக்கு கோரிக்கை வைத்து உள்ளனர்.

இதுபற்றி மத்திய ரெயில்வே மக்கள் தொடர்பு அதிகாரி சிவாஜி சுதார் கூறுகையில், மாநில அரசு ஒப்புக்கொண்டால் டப்பாவாலாக்களை அவர்களது அடையாள அட்டையுடன் அனுமதிக்க தயார் என்றார்.

இதற்கிடையே மும்பை டப்பாவாலா சங்க செய்தி தொடர்பாளர் சுபாஷ் தலேகர் கூறியதாவது:-

மும்பை திரும்பி விட்டனர்

எங்களது 130 ஆண்டு சேவையில் முதல் தடவை யாக 6 மாதத்திற்கு மேலாக பணி முடங்கியது. டப்பாவாலாக்கள் பெரும்பாலானோர்கள் புனே மாவட்டத்தை சேர்ந்தவர்கள். ஊரடங்கால் சொந்த ஊருக்கு சென்ற அவர்கள் மும்பை திரும்பி விட்டனர். 5 ஆயிரம் டப்பாவாலாக்கள் உள்ள னர். ஒவ்வொரு டப்பா வாலாவும் தினமும் 20 முதல் 22 பேருக்கு உணவு எடுத்து செல்வதை வழக்கமாக கொண்டிருந்தனர். ஆனால் தற்போது அந்த அளவுக்கு உணவு டப்பாக்கள் கிடைக்காது. பலர் வீட்டில் இருந்து வேலை செய்கிறார்கள். பல கட்டிட சங்கங்கள் வெளியாட்களை உள்ளே அனுமதிப்பதில்லை. எனவே முதலில் 4 முதல் 5 டப்பாக்களுடன் ஒவ்வொரு டப்பாவாலாக்களும் தங்களது பணியை தொடங்க உள்ளனர். அவர்களுக்கு முழுமையான வேலை கிடைக்க சற்று கால அவகாசம் பிடிக்கும். எங்களது டப்பாவாலாக்கள் பணியின் போது கொரோனா தடுப்பு விதிமுறைகளை பின்பற்றுவார்கள்.

இவ்வாறு அவர் கூறினார்.

மின்சார ரெயில்களில் செல்ல தூதரகங்களில் பணி புரிவோருக்கும் அனுமதி அளிக்கப்பட்டு உள்ளது.

தொடர்புடைய செய்திகள்

1. புதுச்சேரியில் மருத்துவப் படிப்பில் அரசுப் பள்ளி மாணவர்களுக்கு 10 சதவீத உள்ஒதுக்கீடு முதல்-அமைச்சர் அறிவிப்பு
புதுவையில் அரசுப் பள்ளி மாணவர்களுக்கு மருத்துவப் படிப்பில் 10 சதவீத உள்ஒதுக்கீடு வழங்கப்படும் என்று முதல்-அமைச்சர் நாராயணசாமி அறிவித்தார்.
2. வேளாண் சட்டங்களுக்கு எதிராக ராஜஸ்தான் சட்டசபையில் மற்றொரு மசோதா கொண்டு வரப்படும்; காங்கிரஸ் கட்சி அறிவிப்பு
ராஜஸ்தான் சட்டசபையில் மத்திய அரசின் வேளாண்சட்டங்களுக்கு எதிராக மற்றொரு மசோதா கொண்டு வரப்படும் என காங்கிரசின் மூத்த தலைவர் வேணுகோபால் கூறியுள்ளார்.
3. மாநில மின் நிறுவனத்தில் 8 ஆயிரத்து 500 காலிபணியிடங்கள் நிரப்பப்படும் மந்திரி நிதின் ராவத் அறிவிப்பு
மராட்டிய மாநில மின் பகிர்மான நிறுவனத்தில் 8 ஆயிரத்து 500 காலிபணியிடங்கள் நிரப்பப்படும் என மின்சார துறை மந்திரி நிதின் ராவத் தெரிவித்து உள்ளார்.
4. புதுவை மக்களுக்கு இலவச கொரோனா தடுப்பூசி முதல்-அமைச்சர் நாராயணசாமி அறிவிப்பு
புதுச்சேரி மாநில மக்களுக்கு அரசு சார்பில் இலவசமாக தடுப்பூசி போடப்படும் என்று முதல்-அமைச்சர் நாராயணசாமி கூறினார்.
5. மராட்டியத்தில் கன மழையால் பாதிக்கப்பட்ட மக்களுக்கு ரூ.10 ஆயிரம் கோடி வெள்ள நிவாரணம் உத்தவ் தாக்கரே அறிவிப்பு
மராட்டியத்தில் வெள்ளத்தால் பாதிக்கப்பட்ட மக்களுக்கு ரூ.10 ஆயிரம் கோடி நிவாரணத்தை முதல்-மந்திரி உத்தவ் தாக்கரே அறிவித்து உள்ளார்.