மாவட்ட செய்திகள்

சென்னிமலை அருகே 2 இடங்களில் அதிக வேகத்தில் சென்ற டிப்பர் லாரிகள் சிறைபிடிப்பு + "||" + Capture of high speed tipper trucks at 2 places near Chennimalai

சென்னிமலை அருகே 2 இடங்களில் அதிக வேகத்தில் சென்ற டிப்பர் லாரிகள் சிறைபிடிப்பு

சென்னிமலை அருகே 2 இடங்களில் அதிக வேகத்தில் சென்ற டிப்பர் லாரிகள் சிறைபிடிப்பு
சென்னிமலை அருகே 2 இடங்களில் அதிக வேகத்தில் சென்ற டிப்பர் லாரிகளை பொதுமக்கள் சிறைபிடித்தார்கள்.
சென்னிமலை,

சென்னிமலை அருகே பனியம்பள்ளி, அய்யம்பாளையம் ஆகிய பகுதிகளில் கல்குவாரிகள் செயல்படுகிறது. இந்த குவாரிகளில் இருந்து ஜல்லி கற்கள் ஏற்றிச்செல்லும் டிப்பர் லாரிகள், அதிக வேகமாக செல்வதால் ஜல்லி கற்கள் தார் ரோட்டில் சிதறி வருவதாக பொதுமக்கள் அடிக்கடி புகார் தெரிவித்து வருகிறார்கள். அதேபோல் செம்மண் எடுத்து செல்லும் லாரிகளும் அதிக பாரம் ஏற்றி முறையாக மூடாமல் கொண்டு செல்வதால் புழுதி பறப்பதுடன், தார் சாலையும் பழுதடைந்து வருவதாக பொதுமக்கள் தெரிவித்தனர்.


இந்த நிலையில், நேற்று காலை 10 மணி அளவில் சென்னிமலை அருகே அப்பத்தாள் கோவில் என்ற இடத்தில் மண் ஏற்றி சென்ற சுமார் 20-க்கும் மேற்பட்ட டிப்பர் லாரிகளை பொதுமக்கள் சிறை பிடித்தனர். அப்போது பொதுமக்கள் கூறுகையில், ‘அதிக பாரம் ஏற்றி குறுக்கு வழியில் டிப்பர் லாரிகள் அதிக வேகத்தில் செல்வதால் அப்பத்தாள் கோவில் பாதை முழுமையாக சேதம் அடைந்து வருகிறது. அதனால் இந்த வழியாக செல்ல அனுமதிக்க மாட்டோம்‘ என கூறினார்கள். பின்னர் அந்த வழியாக லாரிகள் இயக்க மாட்டோம் என லாரி உரிமையாளர்கள் உறுதி அளித்தனர். அதைத்தொடர்ந்து சுமார் 1 மணி நேரத்திற்குப் பிறகு லாரிகளை பொதுமக்கள் விடுவித்தனர்.

மற்றொரு இடத்தில்...

அதேபோல் சென்னிமலை அருகே அய்யம்பாளையம் பகுதியில் கல்குவாரிகள் செயல்பட்டு வருகிறது. இந்த குவாரிகளில் இருந்து தினமும் ஏராளமான டிப்பர் லாரிகள் ஜல்லி கற்களை ஏற்றிக்கொண்டு தோப்புப்பாளையம், பள்ளக்காட்டுபுதூர் ஆகிய பகுதிகள் வழியாக சென்னிமலை, பெருந்துறை, அறச்சலூர் உள்பட பல்வேறு ஊர்களுக்கு செல்கிறது.

இந்த லாரிகள் அதிக பாரம் ஏற்றிக் கொண்டு அதி வேகத்தில் செல்வதால் ரோடு முழுக்க ஜல்லி கற்கள் சிதறி வருவதாக பொதுமக்கள் புகார் கூறி வந்தனர். இந்த நிலையில், நேற்று திடீரென பனியம்பள்ளி ஊராட்சியை சேர்ந்த பொதுமக்கள் சென்னிமலை-ஊத்துக்குளி ரோட்டில் ஓட்டப்பாறை பிரிவு என்ற இடத்தில் ஜல்லி கற்கள் ஏற்றி சென்ற டிப்பர் லாரிகளை சிறை பிடித்தனர்.

பேச்சுவார்த்தை

இதுபற்றிய தகவல் கிடைத்ததும் பெருந்துறை தாசில்தார் முத்துகிருஷ்ணன் விரைந்து வந்து பொதுமக்களிடம் பேச்சுவார்த்தை நடத்தினார். அப்போது நாளை (அதாவது இன்று வியாழக்கிழமை) மாலை பெருந்துறை தாசில்தார் அலுவலகத்தில் தாசில்தார், வட்டார போக்குவரத்து அலுவலர் முன்னிலையில் பேச்சுவார்த்தை நடத்துவது என்றும் அதன் மூலம் இந்த பிரச்சனைக்கு தீர்வு காணப்படும் என தாசில்தார் உறுதியளித்தார். அதைத்தொடர்ந்து சிறை பிடிக்கப்பட்ட லாரிகளை பொதுமக்கள் விடுவித்தனர்.

தொடர்புடைய செய்திகள்

1. திருபுவனை ஏரியில் வண்டல் மண் எடுக்க வந்த லாரிகள் சிறைபிடிப்பு பொதுமக்கள் எதிர்ப்பால் பரபரப்பு
திருபுவனை ஏரியில் வண்டல் மண் எடுக்க வந்த லாரிகளை சிறை பிடித்து பொதுமக்கள் திடீரென போராட்டத்தில் ஈடுபட்டதால் பரபரப்பு ஏற்பட்டது.
2. உசிலம்பட்டி அருகே லாரிகள் மோதல்; 2 பேர் பலி 3 பேர் படுகாயம்
உசிலம்பட்டி அருகே லாரிகள் நேருக்குநேர் மோதிக்கொண்ட விபத்தில் 2 பேர் பலியானார்கள். மேலும் 3 பேர் படுகாயம் அடைந்தனர்.
3. லாரிகள் ஓடாததால் ஈரோட்டில் ரூ.5 ஆயிரம் கோடி வர்த்தகம் பாதிப்பு
லாரிகள் ஓடாததால் ஈரோட்டில் ரூ.5 ஆயிரம் கோடி வர்த்தகம் பாதிக்கப்பட்டு உள்ளது.
4. கொடைக்கானலுக்கு சிமெண்டு மூட்டைகளை ஏற்றி வந்த 2 லாரிகள் பறிமுதல் 3 பேர் கைது
கொடைக்கானலுக்கு சிமெண்டு மூட்டைகளை ஏற்றி வந்த 2 லாரிகளை போலீசார் பறிமுதல் செய்தனர்.