மாவட்ட செய்திகள்

பிரதமர் மோடி, பதவிக்கு வந்த பிறகு நாடு எந்த துறையில் வளர்ச்சி கண்டுள்ளது? டி.கே.சிவக்குமார் கேள்வி + "||" + In which sector has the country grown since Prime Minister Modi came to power? TK Sivakumar Question

பிரதமர் மோடி, பதவிக்கு வந்த பிறகு நாடு எந்த துறையில் வளர்ச்சி கண்டுள்ளது? டி.கே.சிவக்குமார் கேள்வி

பிரதமர் மோடி, பதவிக்கு வந்த பிறகு நாடு எந்த துறையில் வளர்ச்சி கண்டுள்ளது? டி.கே.சிவக்குமார் கேள்வி
பிரதமர் மோடி பதவிக்கு வந்த பிறகு நாடு எந்த துறையில் வளர்ச்சி கண்டுள்ளது? என்று கர்நாடக காங்கிரஸ் தலைவர் டி.கே.சிவக்குமார் கேள்வி கேட்டுள்ளார்.
பெங்களூரு,

நாட்டில் மிகப்பெரிய பெரும்பான்மை பலம் உள்ள அரசு இருக்கிறது. பா.ஜனதாவுக்கு ஆதரவாக மக்கள் தீர்ப்பு வழங்கினர். அதுபற்றி நாங்கள் பேச மாட்டோம். ஆனால் மத்திய பா.ஜனதா அரசு சொன்னபடி நடந்து கொண்டதா?. கொடுத்த வாக்குறுதிகளை நிறைவேற்றியதா?. இந்த அரசால் நாட்டுக்கு கிடைத்த பலன் என்ன?. முன்பு பொருளாதார நிபுணரான மன்மோகன்சிங் பிரதமராக இருந்தபோது, நாடு எவ்வாறு வளர்ச்சி கண்டது. மோடி பிரதமர் பதவிக்கு வந்த பிறகு நாடு எந்தெந்த துறையில் வளர்ச்சி கண்டுள்ளது?.


படித்த இளைஞர்களுக்கு மோடி வேலை வாய்ப்பு ஏற்படுத்தி கொடுத்துள்ளாரா?. வெளிநாடுகளில் பதுக்கப்பட்டுள்ள கருப்பு பணத்தை கொண்டுவந்தாரா?. நாட்டின் எல்லையை பாதுகாத்தாரா?. நாட்டின் ஒருமைப்பாடு, ஒற்றுமையை பாதுகாத்தாரா?. அமைதியை நிலைநாட்டினாரா?. விவசாயிகள், தொழிலாளர்களின் நலன் பாதுகாக்கப்பட்டுள்ளதா?. இந்த கேள்விகளுக்கு பா.ஜனதா தலைவர்கள் பதில் கூற வேண்டும். நான் இயற்கை மீது நம்பிக்கை கொண்டவன்.

சட்டசபை இடைத்தேர்தல்

ஒட்டுமொத்த உலகமும் கொரோனா நெருக்கடியில் சிக்கியுள்ளது. மனித சமுதாயம் பெரிதும் பாதிக்கப்பட்டு உள்ளது. இத்தகைய நேரத்தில் மக்களை காப்பாற்றாத அரசு நமக்கு தேவையா?. நாட்டில் அமைதியை உருவாக்கி வளர்ச்சியை ஏற்படுத்த வேண்டும். மக்களின் வாழ்க்கை பாதுகாக்க அனைவரும் பாடுபட வேண்டும். கர்நாடக சட்டசபை இடைத்தேர்தலுக்கு வேட்புமனு தாக்கல் இன்னும் தொடங்கவில்லை. அதற்காக நாங்கள் காத்திருக்கிறோம்.

வருகிற 14-ந் தேதி ராஜராஜேஸ்வரிநகரிலும், 15-ந் தேதி சிராவிலும் எங்கள் கட்சி வேட்பாளர்கள் வேட்புமனு தாக்கல் செய்வார்கள். இந்த நிகழ்விலும் நான் மற்றும் சித்தராமையா ஆகியோர் கலந்துகொள்வோம். நான் ஊழல்வாதியா அல்லது தத்துவஞானியா என்பதை மந்திரி சி.டி.ரவி மக்கள் முன்பு கூற வேண்டும். ஊழல்வாதியாக இருந்தால் அதற்கு ஆவணங்களை வெளியிட வேண்டும். சிலருக்கு எனது பெயரை பயன்படுத்தினால் புகழ் கிடைக்கிறது. அவர்கள் பேசிக்கொள்ளட்டும். அதுபற்றி நான் கவலைப்பட மாட்டேன்.

இவ்வாறு டி.கே.சிவக்குமார் கூறினார்.

தொடர்புடைய செய்திகள்

1. கன்னடர்களுக்கு இலவச கொரோனா தடுப்பூசி கிடைக்காதா? சித்தராமையா கேள்வி
கன்னடர்களுக்கு இலவச தடுப்பூசி கிடைக்காதா? என்று சித்தராமையா கேள்வி எழுப்பியுள்ளார்.
2. டி.கே.ரவியின் பெயரை குசுமா பயன்படுத்தக்கூடாதா? ஷோபா எம்.பி.க்கு டி.கே.சிவக்குமார் கண்டனம்
டி.கே.ரவியின் பெயரை குசுமா பயன்படுத்தக்கூடாது என்று கூறிய ஷோபா எம்.பி.க்கு டி.கே.சிவக்குமார் கண்டனம் தெரிவித்துள்ளார்.
3. காங்கிரஸ் வேட்பாளர் குசுமா ரவி மீது வழக்கு: பா.ஜனதா அரசு கோழைத்தனமான அரசியல் செய்கிறது டி.கே.சிவக்குமார் கடும் தாக்கு
காங்கிரஸ் வேட்பளர் குசுமா ரவி மீது வழக்கு பதிவு செய்யப்பட்டுள்ள நிலையில் பா.ஜனதா அரசு கோழைத்தனமான அரசியலை செய்கிறது என்று டி.கே.சிவக்குமார் கடுமையாக தாக்கி பேசியுள்ளார்.
4. தமிழகத்தில் பள்ளிகள் எப்போது திறக்கப்படும்? அரசுக்கு ஐகோர்ட்டு கேள்வி
தமிழகத்தில் பள்ளிகள் எப்போது திறக்கப்படும்? என்று தமிழக அரசுக்கு ஐகோர்ட்டு கேள்வி எழுப்பியுள்ளது.
5. ராஜராஜேஸ்வரிநகர் தொகுதி மக்கள் காங்கிரசை ஆதரிப்பார்கள் டி.கே.சிவக்குமார் பேட்டி
ராஜராஜேஸ்வரிநகர் தொகுதி மக்கள் காங்கிரசை ஆதரிப்பார்கள் என்று டி.கே.சிவக்குமார் கூறினார்.