மாவட்ட செய்திகள்

லஞ்சம் வாங்கியதாக கைதான நகராட்சி என்ஜினீயரின் டைரி சிக்கியது அதிகாரிகளிடம் விசாரிக்க சி.பி.ஐ. முடிவு + "||" + The CBI has asked the authorities to investigate the diary of the municipal engineer arrested for taking bribe. Results

லஞ்சம் வாங்கியதாக கைதான நகராட்சி என்ஜினீயரின் டைரி சிக்கியது அதிகாரிகளிடம் விசாரிக்க சி.பி.ஐ. முடிவு

லஞ்சம் வாங்கியதாக கைதான நகராட்சி என்ஜினீயரின் டைரி சிக்கியது அதிகாரிகளிடம் விசாரிக்க சி.பி.ஐ. முடிவு
லஞ்சம் வாங்கியதாக கைது செய்யப்பட்ட புதுவை நகராட்சி என்ஜினீயரின் டைரி சிக்கியது. அதன் அடிப்படையில் அதிகாரிகளிடம் விசாரிக்க சி.பி.ஐ. முடிவு செய்துள்ளது.
புதுச்சேரி,

புதுவை தேங்காய்திட்டு பகுதியை சேர்ந்தவர் இளந்திரையன். இவர் அந்த பகுதியில் வீடு கட்டுவதற்காக சாலையில் மணல், ஜல்லி உள்ளிட்ட கட்டுமானப் பொருட்களை கொட்டி வைத்திருந்தார். அங்கு ஆய்வு நடத்திய புதுச்சேரி நகராட்சி என்ஜினீயர் கிருஷ்ணமூர்த்தி, அனுமதியின்றி கட்டுமானப் பொருட்களை சாலையில் குவித்து வைத்து இருந்ததற்கு அபராதம் விதிக்காமல் இருக்க ரூ.10 ஆயிரம் லஞ்சம் பெற்றுள்ளார். இதுபோதாது என மேலும் ரூ.5 ஆயிரம் லஞ்சம் கேட்டுள்ளார்.


ஆனால் மேலும் லஞ்சம் கொடுக்க விரும்பாத இளந்திரையன் சி.பி.ஐ.யில் இதுகுறித்து புகார் செய்தார். இதையடுத்து அவர்களது ஆலோசனைப்படி கடந்த 14-ந் தேதி நகராட்சி அலுவலகத்திற்கு சென்ற இளந்திரையன் அங்கிருந்த கிருஷ்ணமூர்த்தியிடம் ரசாயன பொடி தடவிய ரூ.5 ஆயிரம் பணத்தை லஞ்சம் கொடுத்துள்ளார். அப்போது அங்கு மறைந்திருந்த சி.பி.ஐ. அதிகாரிகள் அவரை கையும் களவுமாக பிடித்து கைது செய்தனர்.

சிறையில் அடைப்பு

பின்னர் திலாஸ்பேட்டையில் உள்ள அவரது வீட்டில் சோதனை நடத்தினர். அப்போது அவரது வீட்டில் முக்கிய டைரி ஒன்று சிக்கியது. அதில் லஞ்சம் வாங்கியது, அந்த பணம் யார், யாருக்கு கொடுக்கப்பட்டது? என எழுதி வைத்து இருந்தார். இதில் உயர் அதிகாரிகளின் பெயர்கள் இடம்பெற்று இருந்தன. இதையடுத்து விசாரணை நடத்துவதற்காக அவர்களுக்கு சம்மன் அனுப்ப சி.பி.ஐ. அதிகாரிகள் திட்டமிட்டுள்ளனர். இது உள்ளாட்சி துறை அதிகாரிகள் மத்தியில் கலக்கத்தை ஏற்படுத்தியுள்ளது.

கைதான கிருஷ்ணமூர்த்திக்கு கொரோனா பரிசோதனை நடத்தப்பட்டது. இதில் அவருக்கு தொற்று இல்லை என்பது தெரியவந்தது. இதனை தொடர்ந்து சி.பி.ஐ. அதிகாரிகள் அவரை நேற்று புதுவை கோர்ட்டில் ஆஜர்படுத்தி காலாப்பட்டு சிறையில் அடைத்தனர். கிருஷ்ணமூர்த்தி மீது துறை ரீதியான நடவடிக்கையும் எடுக்கப்பட்டு வருகிறது.

தொடர்புடைய செய்திகள்

1. கொரோனா பாதிப்பு; விஷ பரீட்சையில் இறங்க இங்கிலாந்து முடிவு
உடல்நலமுடன் உள்ள தன்னார்வலர்களின் உடலில் கொரோனா வைரசை செலுத்தி அதன் விளைவுகளை அறிய இங்கிலாந்து ஆய்வாளர்கள் முடிவு செய்துள்ளனர்.
2. கொல்கத்தா நைட் ரைடர்ஸ் கேப்டன் பதவியை மோர்கனுக்கு அளிக்க தினேஷ் கார்த்திக் முடிவு
கொல்கத்தா நைட் ரைடர்ஸ் அணியின் கேப்டன் பதவியை மோர்கனுக்கு அளிக்க தினேஷ் கார்த்திக் முடிவு செய்துள்ளார்.
3. கடந்த 5 ஆண்டுகளில் டி.கே.சிவக்குமாரின் சொத்து மதிப்பு 380 சதவீதம் உயர்வு சி.பி.ஐ. தகவல்
கடந்த 5 ஆண்டுகளில் டி.கே.சிவக்குமாரின் சொத்து மதிப்பு 380 சதவீதம் உயர்ந்து உள்ளதாக சி.பி.ஐ. கூறியுள்ளது.
4. கர்நாடக காங்கிரஸ் தலைவர் சிவக்குமார் வீட்டில் சி.பி.ஐ. சோதனை முக்கிய ஆவணங்கள் சிக்கின
கர்நாடக காங்கிரஸ் தலைவர் டி.கே.சிவக்குமாருக்கு சொந்தமான வீடுகள், அலுவலகங்கள் என பெங்களூரு, டெல்லி, மும்பையில் 14 இடங்களில் சி.பி.ஐ. அதிகாரிகள் நேற்று அதிரடி சோதனை நடத்தினர். இந்த சோதனையின் போது சொத்து பத்திரங்கள், முக்கிய ஆவணங்கள் சிக்கியதாக பரபரப்பு ஏற்பட்டுள்ளது.
5. எனது மகன் மீதான அன்பால் சி.பி.ஐ. சோதனை டி.கே.சிவக்குமாரின் தாய் சொல்கிறார்
எனது மகன் மீதான அன்பால் வீடு, அலுவலகங்களில் சி.பி.ஐ. அதிகாரிகள் சோதனை நடத்தி இருப்பதாக டி.கே.சிவக்குமாரின் தாய் கூறியுள்ளார்.