மாவட்ட செய்திகள்

குலசேகரன்பட்டினம் தசரா திருவிழா: பார்வதி கோலத்தில் முத்தாரம்மன் வீதி உலா + "||" + Kulasekaranpattinam Dasara Festival: Walk on Mutharamman Road in Parvati Kolam

குலசேகரன்பட்டினம் தசரா திருவிழா: பார்வதி கோலத்தில் முத்தாரம்மன் வீதி உலா

குலசேகரன்பட்டினம் தசரா திருவிழா: பார்வதி கோலத்தில் முத்தாரம்மன் வீதி உலா
குலசேகரன்பட்டினம் தசரா திருவிழாவின் 3-ம் நாளான நேற்று பார்வதி கோலத்தில் முத்தாரம்மன் வீதி உலா வரும் நிகழ்ச்சி நடந்தது.
குலசேகரன்பட்டினம்,

தூத்துக்குடி மாவட்டம் குலசேகரன்பட்டினம் முத்தாரம்மன் கோவிலில் தசரா திருவிழா கடந்த 17-ந் தேதி கொடியேற்றத்துடன் தொடங்கி நடந்து வருகிறது. முதல் நாளன்று பக்தர்களுக்கு அனுமதி வழங்கப்படவில்லை.


2-ம் நாளான நேற்று முன்தினம் முதல் 9-ம் நாள் வரை பல்வேறு கட்டுப்பாடுகளுடன் பக்தர்களுக்கு சாமி தரிசனம் செய்ய அனுமதி அளிக்கப்பட்டு உள்ளது. நேற்று முன்தினம் முத்தாரம்மன் விஸ்வகர்மா கோலத்தில் எழுந்தருளி பக்தர்களுக்கு அருள் பாலித்தார்.

பார்வதி கோலம்

விழாவின் 3-ம் நாளான நேற்றும் காலையில் இருந்தே பக்தர்கள் கோவிலுக்கு வந்த வண்ணம் இருந்தனர். முககவசம் அணிந்து நீண்ட வரிசையில் நின்று சாமி தரிசனம் செய்தனர். இரவில் முத்தாரம்மன் பார்வதி கோலத்தில் எழுந்தருளி வீதி உலா சென்று பக்தர்களுக்கு காட்சி அளித்தார். ஏராளமான பக்தர்கள் அம்மனை தரிசனம் செய்து சென்றனர்.

மேலும், குலசேகரன்பட்டினம் புறவழிச்சாலையில் இருந்து கோவிலுக்கு வாகன போக்குவரத்து தடை செய்யப்பட்டுள்ளது. புறவழிச்சாலையில் பக்தர்கள் வரும் வாகனங்களை நிறுத்த இடம் ஒதுக்கப்பட்டுள்ளது. இந்த இடத்தில் வாகனங்களை நிறுத்தி விட்டு, கோவிலுக்கு பக்தர்கள் நடந்து செல்ல மட்டுமே அனுமதிக்கப்பட்டு வருகின்றனர்.

நிழற்குடை அமைக்க கோரிக்கை

அரசு, தனியார் பஸ்கள் குலசேகரன்பட்டினம் புறவழிச்சாலை-உடன்குடி சந்திப்பில் நிறுத்தப்படுகிறது. அங்கிருந்து பக்தர்கள் கோவிலுக்கு நடந்து செல்ல வேண்டும். சாமி தரிசனம் முடித்துவிட்டு திரும்பும் பக்தர்கள் மீண்டும், அங்கிருந்து பஸ்சில் ஏற அனுமதிக்கப்படுகின்றனர்.

இந்த பகுதியில் தற்காலிக நிழற்குடை இல்லாததால் வெயிலில் பக்தர்கள் கடும் அவதிக்குள்ளாகி வருகின்றனர். எனவே, இந்த பகுதியில் தற்காலிக நிழற்குடை அமைக்க வேண்டும் என பக்தர்கள் கோரிக்கை விடுத்துள்ளனர்.

தொடர்புடைய செய்திகள்

1. கார்த்திகை தீப திருவிழா: கடலூர் பாடலீஸ்வரர் கோவிலில் சொக்கப்பனை கொளுத்தப்பட்டது
கார்த்திகை தீப திரு விழாவையொட்டி கடலூர் பாடலீஸ்வரர்கோவில் உள்பட பல்வேறு கோவில்களில் சொக்கப்பனை கொளுத்தப்பட்டது.
2. திருக்கார்த்திகை தீப திருவிழா கோலாகலம்: குமரி கோவில்களில் சொக்கப்பனை கொளுத்தி வழிபாடு
குமரி மாவட்ட கோவில்களில் நேற்று திருக்கார்த்திகை விழா கொண்டாடப்பட்டது. இதையொட்டி சொக்கப்பனை கொளுத்தி பக்தர்கள் வழிபட்டனர்.
3. பாளையங்கோட்டை சவேரியார் ஆலய திருவிழா கொடியேற்றத்துடன் தொடங்கியது
பாளையங்கோட்டை சவேரியார் ஆலய திருவிழா நேற்று மாலை கொடியேற்றத்துடன் தொடங்கியது. இதில் திரளான கிறிஸ்தவர்கள் கலந்து கொண்டனர்.
4. சுப்பிரமணிய சுவாமி கோவிலில் கந்தசஷ்டி திருவிழா: திருச்செந்தூரில் சூரசம்ஹாரம் பக்தர்கள் இன்றி எளிமையாக நடந்தது
திருச்செந்தூர் சுப்பிரமணிய சுவாமி கோவில் கந்தசஷ்டி திருவிழாவில் சூரசம்ஹாரம் நடந்தது. விழாவில் பங்கேற்க பக்தர்களுக்கு அனுமதி இல்லாததால் எளிமையாக நடைபெற்றது.
5. சுப்பிரமணிய சுவாமி கோவிலில் இன்று சூரசம்ஹாரம்: திருச்செந்தூரில் பாதுகாப்புக்காக 2 ஆயிரம் போலீசார் குவிப்பு
திருச்செந்தூர் சுப்பிரமணிய சுவாமி கோவில் கந்தசஷ்டி திருவிழாவில் இன்று (வெள்ளிக்கிழமை) சூரசம்ஹாரம் நடைபெறுகிறது. விழாவையொட்டி பாதுகாப்புக்காக 2 ஆயிரம் போலீசார் குவிக்கப்பட்டு உள்ளனர்.