மாவட்ட செய்திகள்

பெங்களூருவில் கனமழையால் சாலைகளில் வெள்ளம் பெருக்கெடுத்து ஓடியது + "||" + Roads in Bangalore were flooded due to heavy rains

பெங்களூருவில் கனமழையால் சாலைகளில் வெள்ளம் பெருக்கெடுத்து ஓடியது

பெங்களூருவில் கனமழையால் சாலைகளில் வெள்ளம் பெருக்கெடுத்து ஓடியது
பெங்களூருவில் கனமழை பெய்ததை அடுத்து சாலைகளில் வெள்ளம் பெருக்கெடுத்து ஓடியது.
பெங்களூரு,

கர்நாடகத்தில் பல பகுதிகளில் கடந்த ஒரு வாரமாக தொடர்ச்சியாக கனமழை பெய்து வருகிறது. குறிப்பாக வட கர்நாடகத்தில் 4 மாவட்டங்களில் ஓடும் ஆறுகளில் கடுமையான வெள்ளப்பெருக்கு ஏற்பட்டுள்ளது. பல கிராமங்கள் தண்ணீரில் மூழ்கியுள்ளன. ஆயிரக்கணக்கான மக்கள் தங்கும் வசதி இன்றி தவிப்புக்கு ஆளாகியுள்ளனர். அதே போல் தலைநகர் பெங்களூருவில் கடந்த சில நாட்களாக லேசான மழை பெய்து வருகிறது.


இந்த நிலையில் நேற்று பகல் முழுவதும் வானம் மேகமூட்டமாக இருந்தது. மாலையில் மழை பெய்யத்தொடங்கியது. மாலை 6 மணிக்கு தொடங்கிய மழை விட்டு விட்டு பெய்தபடி இருந்தது. குறிப்பாக மெஜஸ்டிக், அல்சூர், எம்.ஜி.ரோடு, வில்சன் கார்டன், ஜெயநகர், பொம்மனஹள்ளி, பேகூர், சில்க்போர்டு, கோரமங்களா உள்ளிட்ட பகுதிகளில் கனமழை பெய்தது. இதனால் நகரின் தாழ்வான பகுதிகளில் மழைநீர் தேங்கி நின்றது. அந்த பகுதிகளில் உள்ள குடியிருப்பு கட்டிடங்களில் தண்ணீர் புகுந்ததால் அங்கு வசிக்கும் மக்கள் பெரிதும் அவதிப்பட்டனர். வீடுகளில் சாக்கடை நீருடன் புகுந்த மழை நீரை பாத்திரங்களில் எடுத்து வெளியேற்றினர். இதனால் அவர்கள் இரவில் தூங்க முடியாமல் அவதிப்பட்டனர்.

போக்குவரத்து நெரிசல்

சாலைகளில் வெள்ளம் பெருக்கெடுத்து ஓடியது. சுரங்க பாதைகளில் அதிகளவில் தண்ணீர் தேங்கியதால், வாகன ஓட்டிகள் கடுமையான சிரமத்திற்கு ஆளாயினர். மழை காரணமாக நகரின் பல்வேறு சாலைகளில் போக்குவரத்து நெரிசல் உண்டானது. வாகன நெரிசலை சீர்செய்யும் பணியில் போக்குவரத்து போலீசார் ஈடுபட்டனர். வங்கக்கடலில் காற்றழுத்த தாழ்வு நிலை உருவாகியுள்ளதால் அடுத்த சில நாட்களுக்கு பெங்களூரு உள்பட கர்நாடகத்தின் பல்வேறு பகுதிகளில் கனமழை பெய்யும் என்று வானிலை ஆய்வு மையம் அறிவித்துள்ளது.

தொடர்புடைய செய்திகள்

1. தூத்துக்குடியில் தொடரும் கனமழை உப்பாற்று ஓடையில் வெள்ளம் கரைபுரண்டு ஓடுகிறது
தூத்துக்குடி பகுதியில் பெய்த வரும் தொடர்கனமழை காரணமாக உப்பாற்று ஓடையில் வெள்ளம் கரைபுரண்டு ஓடுகிறது. கோரம்பள்ளம் குளம் நிரம்பியதால் உபரிநீர் வெளியேற்றப்பட்டு வருகிறது.
2. 4-வது நாளாக தொடர்மழை: கோவில்பட்டி - இளையரசனேந்தல் சாலையில் வெள்ளம்
கோவில்பட்டியில், கடந்த சில நாட்களாக பெய்து வரும் கனமழையால் இளையரசனேந்தல் சாலையில் வெள்ளம் கரைபுரண்டு ஓடியது. இந்த சாலையோரத்திலுள்ள ஓடைகளில் உள்ளஆக்கிரமிப்புகளை பொக்லைன் எந்திரம் மூலம் அகற்றும் பணி நடந்து வருகிறது.
3. கொட்டி தீர்க்கும் கனமழை: வெள்ளத்தில் தத்தளிக்கும் தூத்துக்குடி
கொட்டித்தீர்க்கும் கனமழையால் தூத்துக்குடி நகரம் மற்றும் கோவில்பட்டியின் தாழ்வான பகுதிகள் வெள்ளத்தில் மிதக்கின்றன.
4. 13 ஏரிகளில் உபரிநீர் திறக்கப்படுவதால் அடையாறு ஆற்றில் வெள்ளப்பெருக்கு
13 ஏரிகளில் இருந்து உபரிநீர் திறந்து விடப்படுவதால் அடையாறு ஆற்றில் வெள்ளம் கரைபுரண்டு ஓடுகிறது.
5. ஆந்திர மாநிலத்தில் வெள்ளத்தால் பாதிக்கப்பட்ட பகுதிகளை முதல்-மந்திரி ஜெகன் மோகன் ரெட்டி ஆய்வு
ஆந்திர மாநிலத்தில் வெள்ளத்தால் பாதிக்கப்பட்ட பகுதிகளை முதல்-மந்திரி ஜெகன் மோகன் ரெட்டி ஹெலிகாப்டரில் சென்று சேத பாதிப்பை ஆய்வு செய்தார்.