மாவட்ட செய்திகள்

ஆண்டிமடம் அருகே பரிதாபம்: விவசாய நிலத்தில் மின்வேலியை மிதித்த பெண் சாவு விவசாயி கைது + "||" + Tragedy near Andimadam: Death of a female farmer who stepped on an electric fence on a farm land

ஆண்டிமடம் அருகே பரிதாபம்: விவசாய நிலத்தில் மின்வேலியை மிதித்த பெண் சாவு விவசாயி கைது

ஆண்டிமடம் அருகே பரிதாபம்: விவசாய நிலத்தில் மின்வேலியை மிதித்த பெண் சாவு விவசாயி கைது
ஆண்டிமடம் அருகே விவசாய நிலத்தை சுற்றி அமைக்கப்பட்டிருந்த மின்வேலியை மிதித்த பெண் பரிதாபமாக இறந்தார். இது தொடர்பாக சம்பந்தப்பட்ட விவசாயியை போலீசார் கைது செய்தனர்.
ஆண்டிமடம், 

அரியலூர் மாவட்டம், ஆண்டிமடம் அருகே ஓலையூர் கிராமத்தை சேர்ந்தவர் ஞானப்பிரகாசம். இவரது நிலத்தில் அதே ஊரை சேர்ந்த விவசாயியான வேல்முருகன்(வயது 40) என்பவர் கடந்த 6 மாதங்களாக குத்தகைக்கு பயிர்செய்து வந்துள்ளார். அந்த விவசாய நிலத்தில் மரவள்ளிக்கிழங்கு பயிரிட்டுள்ளார். காட்டுப்பகுதி என்பதால் பன்றிகள் அடிக்கடி பயிரை நாசம் செய்து வந்துள்ளது. இதனால் விவசாய நிலத்தை சுற்றி மின்சார வேலி அமைத்துள்ளார்.

இந்நிலையில் நேற்று அதிகாலை அந்த வழியாக சென்றவர்கள், அங்கு ஒரு பெண் பிணமாக கிடந்ததை பார்த்து அதிர்ச்சி அடைந்தனர். பின்னர் அவர்கள் இதுகுறித்து ஆண்டிமடம் போலீஸ் நிலையத்திற்கு தகவல் தெரிவித்தனர். அதன்பேரில் போலீஸ் இன்ஸ்பெக்டர் முகம்மது இத்ரிஸ் தலைமையிலான போலீசார் சம்பவ இடத்திற்கு உடனடியாக வந்து, அந்த பெண் எப்படி இறந்தார்? என்பது குறித்து விசாரணை மேற்கொண்டனர். இதில், இறந்து கிடந்தவர் அருகில் மின்சார வேலி அமைத்து இருந்தது தெரியவந்தது.

மின்சாரம் பாய்ந்து...

இதையடுத்து போலீசார், அந்த பெண்ணின் உடலை கைப்பற்றி பிரேத பரிசோதனைக்காக ஜெயங்கொண்டம் அரசு மருத்துவமனைக்கு அனுப்பி வைத்தனர். மேலும் அவர் யார்? என்பது குறித்து போலீசார் விசாரணை மேற்கொண்டனர். இதில் அவர், அரியலூர் மாவட்டம், ஆண்டிமடம் அருகே குளத்தூர் கிராமத்தை சேர்ந்த மோகனின் மனைவி நிர்மலா(வயது 40) என்பதும், இவர்களுக்கு கடந்த 10 ஆண்டுகளுக்கு முன்பு திருமணம் நடைபெற்று, பின்னர் சிறிது காலத்திலேயே இருவரும் பிரிந்துவிட்டதாகவும் தெரியவந்தது.

கைது

மேலும் அவர்களுக்கு குழந்தைகள் இல்லை. நிர்மலா மனநலம் பாதிக்கப்பட்ட நிலையில் இருந்து வந்ததாகவும், நேற்று முன்தினம் நடந்தே ஓலையூர் பகுதிக்கு சென்றபோது, எதிர்பாராதவிதமாக மின்வேலி கம்பியை மிதித்ததில் மின்சாரம் பாய்ந்து சம்பவ இடத்திலேயே அவர் உயிரிழந்தது விசாரணையில் தெரியவந்ததாக போலீசார் தெரிவித்தனர். இதையடுத்து வேல்முருகனை, போலீசார் கைது செய்து விசாரணை மேற்கொண்டு வருகின்றனர்.

தொடர்புடைய செய்திகள்

1. மயிலாடுதுறை பஸ் நிலையத்தில் மோட்டார் சைக்கிளை திருடியவர் கைது
மயிலாடுதுறை பஸ் நிலையத்தில் மோட்டார் சைக்கிளை திருடியவர் கைது தப்பி ஓடியவருக்கு வலைவீச்சு.
2. மணிகண்டம் அருகே சாலையின் தடுப்புச்சுவரில் கார் மோதி கவிழ்ந்ததில் விவசாயி பலி
மணிகண்டம் அருகே சாலையின் தடுப்புச்சுவரில் கார் மோதி கவிழ்ந்ததில் விவசாயி ஒருவர் உயிரிழந்தார். பிறந்த குழந்தை உள்பட 6 பேர் படுகாயம் அடைந்தனர்.
3. வேளாண் சட்டங்களை திரும்ப பெறக்கோரி ஏர் கலப்பையுடன் ஊர்வலம் சென்ற காங்கிரஸ் கட்சியினர் 62 பேர் கைது
வேளாண் சட்டங்களை திரும்ப பெறக்கோரி திருவையாறில் ஏர் கலப்பையுடன் ஊர்வலம் சென்ற காங்கிரஸ் கட்சியினர் 62 பேரை போலீசார் கைது செய்தனர்.
4. மத்திய அரசை கண்டித்து ரெயில் நிலையம் முற்றுகை மனிதநேய மக்கள் கட்சியினர் 150 பேர் கைது
திருவாரூரில் மத்திய அரசை கண்டித்து ரெயில் நிலையத்தை முற்றுகையிட்டு போராட்டத்தில் ஈடுபட்ட மனிதநேய மக்கள் கட்சியை சேர்ந்த 150 பேரை போலீசார் கைது செய்தனர்.
5. கந்தர்வகோட்டையில் பட்டா வழங்க லஞ்சம் வாங்கிய துணை தாசில்தார் உள்பட 3 பேர் கைது
கந்தர்வகோட்டையில் பட்டா வழங்க லஞ்சம் வாங்கியது தொடர்பாக துணை தாசில்தார் உள்பட 3 பேரை போலீசார் கைது செய்தனர்.