மாவட்ட செய்திகள்

நகைகளுக்கு கூடுதல் வட்டி தருவதாக ரூ.20 கோடி மோசடி பெண் கைது; வங்கி அதிகாரிக்கு வலைவீச்சு + "||" + Rs 20 crore woman arrested for extorting Rs. Webcast to the bank officer

நகைகளுக்கு கூடுதல் வட்டி தருவதாக ரூ.20 கோடி மோசடி பெண் கைது; வங்கி அதிகாரிக்கு வலைவீச்சு

நகைகளுக்கு கூடுதல் வட்டி தருவதாக ரூ.20 கோடி மோசடி பெண் கைது; வங்கி அதிகாரிக்கு வலைவீச்சு
மண்டியாவில் நகைகளுக்கு கூடுதல் வட்டி தருவதாக கூறி ரூ.20 கோடி மோசடி செய்த பெண் கைது செய்யப்பட்டுள்ளார். மேலும் வங்கி ஊழியரை போலீசார் வலைவீசி தேடி வருகிறார்கள்.
மண்டியா, 

மண்டியா டவுன் குத்தாலு பகுதியை சேர்ந்தவர் சோமசேகர். இவர் மண்டியாவில் உள்ள வங்கி ஒன்றில் செயல் அதிகாரியாக பணியாற்றி வருகிறார். இந்த நிலையில் சோமசேகர், அதே பகுதியை சேர்ந்த பூஜா நிகில் என்பவருடன் சேர்ந்து, மண்டியா டவுனை சேர்ந்த பல பெண்களிடம், தங்களது வங்கியில் நகைகளை டெபாசிட் செய்தால் 40 சதவீதம் வட்டி தருவதாக கூறியுள்ளார்.

இதை உண்மை என்று நம்பிய ஏராளமான பெண்கள், பூஜா நிகில் மூலம் சோமசேகரிடம் நகைகளை கொடுத்துள்ளனர். இவ்வாறு அவரிடம் மண்டியாவை சேர்ந்த ஷீலா என்ற பெண்ணும் தனக்கு சொந்தமான ஒரு கிலோ 400 கிராம் தங்க நகைகளை கொடுத்துள்ளார். ஆனால் ஷீலாவுக்கு வட்டி பணம் கிடைக்கவில்லை. இதுகுறித்து அவர் பூஜா நிகில், சோமசேகரிடம் கேட்டுள்ளார். அதற்கு அவர்கள் சரியான பதில் அளிக்கவில்லை.

36 பேரிடம் ரூ.20 கோடி மோசடி

இதைதொடர்ந்து ஷீலா, நகைகளுக்கு கூடுதல் வட்டி தருவதாக கூறி பூஜாநிகிலும், சோமசேகரும் மோசடி செய்துவிட்டதாக மண்டியா டவுன் போலீசில் புகார் அளித்தார். அதன்பேரில் போலீசார் வழக்குப்பதிவு செய்து தீவிர விசாரணை நடத்தி வந்தனர். இந்த விசாரணையில் பூஜா நிகில், வங்கி அதிகாரி சோமசேகர் மற்றும் தனியார் நிதி நிறுவன ஊழியர்கள் சிலர் ஆகியோர் கூட்டாக சேர்ந்து பெண்களிடம் நகைகளுக்கு கூடுதல் வட்டி தருவதாக கூறி 36 பெண்களிடம் ரூ.20 கோடி மோசடி செய்தது தெரியவந்தது.

இவர்களிடம் மண்டியா மாவட்ட பா.ஜனதா மகளிர் அணி தலைவி ராஸ்மியும் நகையும், ரூ.18 லட்சமும் கொடுத்து ஏமாற்றம் அடைந்ததும் தெரியவந்தது. இதுகுறித்து பூஜா நிகில், சோமசேகர், தனியார் நிதி நிறுவன ஊழியர்கள் மீது போலீசார் வழக்குப்பதிவு செய்தனர். மேலும் தலைமறைவான அவர்களை தேடி வந்தனர்.

பெண் கைது

இந்த நிலையில் தலைமறைவாக இருந்த பூஜா நிகிலை போலீசார் கைது செய்தனர். அவரிடம் போலீசார் விசாரணை நடத்தி வருகிறார்கள். கைதான பூஜா நிகில், ஆடம்பரமாக வாழ ஆசைப்பட்டு மோசடியில் ஈடுபட்டதும், மேலும் உயர்தர விருந்து நிகழ்ச்சிகளில் அவர் கலந்துகொண்டு வந்ததும் தெரியவந்தது. இதனால் அவருக்கு போதைப்பொருள் கும்பலுடன் தொடர்பு உள்ளதா என்பது பற்றியும் போலீசார் விசாரித்து வருகிறார்கள். மேலும் தலைமறைவாக உள்ள சோமசேகர் உள்ளிட்டவர்களை போலீசார் வலைவீசி தேடி வருகிறார்கள்.

தொடர்புடைய செய்திகள்

1. ஓட்டேரியில் வாலிபர் வெட்டிக்கொலை கும்பலுக்கு போலீஸ் வலைவீச்சு
ஓட்டேரியில் வாலிபர் வெட்டிக்கொலை செய்யப்பட்டார். இதுதொடர்பாக 5 பேர் கொண்ட கும்பலை போலீசார் தேடி வருகின்றனர்.
2. உத்திரமேரூர் அருகே வீட்டுக்குள் புகுந்து மூதாட்டியிடம் நகை பறிப்பு மர்மநபர்களுக்கு வலைவீச்சு
உத்திரமேரூர் அருகே வீட்டுக்குள் புகுந்து மூதாட்டி யிடம் நகை பறித்தது தொடர்பாக மர்மநபர்களை போலீசார் தேடி வருகின்றனர்.
3. எம்.பி. சீட் வாங்கி தருவதாக கோடிக்கணக்கில் மோசடி கர்நாடக கும்பலுக்கு வலைவீச்சு
எம்.பி. சீட் வாங்கி தருவதாக கூறியும், மத்திய அரசு டெண்டர் வாங்கி தருவதாகவும் ஆசைகாட்டி கோடிக்கணக்கில் மோசடி செய்த கர்நாடக மாநிலத்தைச் சேர்ந்த கும்பலை சி.பி.சி.ஐ.டி. போலீசார் வலைவீசி தேடி வருகிறார்கள்.
4. விழுப்புரம் அருகே செவிலியர் வீட்டில் ரூ.4 லட்சம் திருட்டு மர்ம நபர்களுக்கு போலீஸ் வலைவீச்சு
விழுப்புரம் அருகே செவிலியர் வீட்டில் ரூ.4 லட்சத்தை திருடிச்சென்ற மர்ம நபர்களை போலீசார் வலைவீசி தேடி வருகின்றனர்.
5. கும்பகோணத்தில் கடையின் பூட்டை உடைத்து 12 பவுன் நகை-ரூ.3 லட்சம் கொள்ளை மர்மநபர்களுக்கு வலைவீச்சு
கும்பகோணம் ஏ.சி. சர்வீஸ் சென்டர் கடையின் பூட்டை உடைத்து 12 பவுன் நகை- ரூ. 3 லட்சம் ஆகியவற்றை கொள்ளையடித்து சென்ற மர்மநபர்களை போலீசார் வலைவீசி தேடிவருகின்றனர்.