மாவட்ட செய்திகள்

ஈரோடு மாவட்டத்தில் புதிதாக 37 பேருக்கு கொரோனா; மூதாட்டி பலி + "||" + In Erode district Corona for 37 newcomers Grandmother kills

ஈரோடு மாவட்டத்தில் புதிதாக 37 பேருக்கு கொரோனா; மூதாட்டி பலி

ஈரோடு மாவட்டத்தில் புதிதாக 37 பேருக்கு கொரோனா; மூதாட்டி பலி
ஈரோடு மாவட்டத்தில் புதிதாக 37 பேருக்கு கொரோனா தொற்று ஏற்பட்டு உள்ளது. மூதாட்டி ஒருவர் கொரோனாவுக்கு பலியாகி உள்ளார்.
ஈரோடு, 

ஈரோடு மாவட்டத்தில் கொரோனா வைரஸ் தொற்று குறைய தொடங்கி உள்ளது. கடந்த 2 வாரங்களுக்கு முன்பு 100-க்கும் மேற்பட்டவர்கள் கொரோனாவால் பாதிக்கப்பட்டு வந்தனர். தற்போது வைரசின் தாக்கம் குறைந்து கடந்த சில நாட்களாக 50-க்கும் குறைவானவர்களே பாதிக்கப்பட்டு உள்ளனர்.

இந்த நிலையில் நேற்று மாவட்டம் முழுவதும் புதிதாக 37 பேருக்கு கொரோனா தொற்று ஏற்பட்டு உள்ளது. இதன் காரணமாக மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 11 ஆயிரத்து 780 ஆக உயர்ந்து உள்ளது.

இதற்கிடையில் ஈரோடு ஆர்.என்.புதூர் பகுதியை சேர்ந்த 73 வயது மூதாட்டி ஒருவர் காய்ச்சல் மற்றும் சளி தொல்லை காரணமாக சிகிச்சைக்காக பெருந்துறை அரசு மருத்துவ கல்லூரி மருத்துவமனையில் கடந்த 15-ந்தேதி அனுமதிக்கப்பட்டார். அவருக்கு பரிசோதனை செய்தபோது கொரோனா தொற்று இருப்பது உறுதி செய்யப்பட்டது. இதைத்தொடர்ந்து டாக்டர்கள் மூதாட்டிக்கு தீவிர சிகிச்சை அளித்து வந்தனர்.

இந்த நிலையில் நேற்று முன்தினம் சிகிச்சை பலனின்றி மூதாட்டி இறந்தார். இதனால் மாவட்டத்தில் கொரோனாவால் இறந்தவர்களின் எண்ணிக்கை 137 ஆக உயர்ந்துள்ளது. அதே நேரத்தில் நேற்று ஒரே நாளில் 92 பேர் கொரோனாவில் இருந்து குணம் அடைந்து வீடுகளுக்கு திரும்பி உள்ளனர். இதுவரை மாவட்டம் முழுவதும் மொத்தம் 11 ஆயிரத்து 244 பேர் கொரோனாவில் இருந்து குணம் அடைந்துள்ளனர். தற்போது 399 பேர் மட்டுமே கொரோனாவுக்காக சிகிச்சை பெற்று வருகிறார்கள்.


தொடர்புடைய செய்திகள்

1. ஈரோடு மாவட்டத்தில் பள்ளி செல்லா குழந்தைகள் கணக்கெடுக்கும் பணி தொடங்கியது
ஈரோடு மாவட்டத்தில் பள்ளி செல்லா குழந்தைகள் கணக்கெடுக்கும் பணி தொடங்கியது.
2. ஈரோடு மாவட்டத்தில் கொரோனாவில் இருந்து குணம் அடைந்தவர்களின் எண்ணிக்கை 10 ஆயிரத்தை தாண்டியது மேலும் 108 பேருக்கு தொற்று
ஈரோடு மாவட்டத்தில் கொரோனாவில் இருந்து குணம் அடைந்தவர்களின் எண்ணிக்கை 10 ஆயிரத்தை தாண்டி உள்ளது. நேற்று மேலும் 108 பேருக்கு புதிதாக கொரோனா தொற்று ஏற்பட்டு உள்ளது.
3. ஈரோடு மாவட்டத்தில் 125 பேருக்கு தொற்று கொரோனாவுக்கு 2 பேர் பலி சாவு எண்ணிக்கை 84 ஆக உயர்வு
ஈரோடு மாவட்டத்தில் கொரோனாவுக்கு 2 பேர் பலியாகி உள்ளனர். மேலும் புதிதாக 125 பேருக்கு கொரோனா தொற்று உறுதி செய்யப்பட்டுள்ள நிலையில், இறந்தவர்களின் எண்ணிக்கை 84 ஆக உயர்ந்துள்ளது.
4. ஈரோடு மாவட்டத்தில் 148 பேருக்கு தொற்று கொரோனாவுக்கு பெண் உள்பட 3 பேர் பலி - சாவு எண்ணிக்கை 70 ஆக உயர்வு
ஈரோடு மாவட்டத்தில் கொரோனாவுக்கு பெண் உள்பட 3 பேர் பலியானார்கள். இதனால் சாவு எண்ணிக்கை 70 ஆக உயர்ந்தது.
5. ஈரோடு மாவட்டத்தில் இன்று முதல் வழிபாட்டு தலங்கள் திறப்பு
ஈரோடு மாவட்டத்தில் இன்று (செவ்வாய்க்கிழமை) முதல் வழிபாட்டு தலங்கள் திறக்கப்படுகிறது.