மாவட்ட செய்திகள்

திருப்பூர் மார்க்கெட்டிற்கு 10 டன் மீன் வந்தது ஒரு கிலோ அயிலை ரூ.250-க்கு விற்பனை + "||" + 10 tonnes of fish arrived at the Tirupur market at Rs. 250 per kg

திருப்பூர் மார்க்கெட்டிற்கு 10 டன் மீன் வந்தது ஒரு கிலோ அயிலை ரூ.250-க்கு விற்பனை

திருப்பூர் மார்க்கெட்டிற்கு 10 டன் மீன் வந்தது ஒரு கிலோ அயிலை ரூ.250-க்கு விற்பனை
திருப்பூர் மீன் மார்க்கெட்டிற்கு 10 டன் மீன்களே விற்பனைக்கு கொண்டுவரப்பட்டது. இதில் ஒரு கிலோ அயிலை மீன் ரூ.250-க்கு விற்பனை செய்யப்பட்டது.
திருப்பூர்,

திருப்பூர் தென்னம்பாளையம் சந்தையில் காய்கறிகள் விற்பனை செய்யப்பட்டு வருகிறது. இதுதவிர சந்தைக்கு உள்புறம் மற்றொரு பகுதியில் மீன் சந்தை உள்ளது. இங்கு 30-க்கும் மேற்பட்ட கடைகள் செயல்பட்டு வருகின்றன. இந்த கடைகளில் மீன் பிரியர்கள் மீன்களை வாங்கி செல்வார்கள்.


வாரத்தில் மற்றநாட்களை விட சனி மற்றும் ஞாயிற்றுக்கிழமைகளில் மீன்கள் விற்பனை அதிகமாக நடைபெறுவது வழக்கம். ஆனால் விடுமுறை தினமான நேற்று தென்னம்பாளையம் மீன் மார்க்கெட்டுக்கு மீன்கள் வரத்து குறைவாகவே இருந்தது. 10 டன் மீன்கள் மட்டுமே விற்பனைக்கு கொண்டுவரப்பட்டன.

அயிலை ரூ.250-க்கு விற்பனை

இது குறித்து மீன் வியாபாரி அக்கீம் கூறியதாவது:-

திருப்பூர் மீன் மார்க்கெட்டிற்கு சென்னை, தூத்துக்குடி, ஆந்திரா, கன்னியாகுமரி உள்ளிட்ட பல்வேறு பகுதிகளில் இருந்து மீன்கள் விற்பனைக்காக கொண்டுவரப்படும். வழக்கமாக விடுமுறை நாட்களான சனி மற்றும் ஞாயிற்றுக்கிழமைகளில் நாள் ஒன்றுக்கு 40 டன் மீன்கள் விற்பனைக்கு கொண்டு வரப்படும்.

திருப்பூர் மார்க்கெட்டிற்கு மீன்களின் வரத்து நேற்று குறைவாக இருந்தது. 10 டன் மீன்கள் தான் விற்பனைக்கு வந்தன. இதற்கிடையே நேற்று திருகார்த்திகை தீபநாள் என்பதால், மீன் வாங்க வந்தவர்களின் எண்ணிக்கையும் குறைவாக இருந்தது. இதனால் சந்தை வெறிச்சோடியது. மீன்கள் அதிகமாக வந்திருந்ததால், விலைகள் குறைய வாய்ப்பிருந்திருக்கும். குறைவாக மீன்கள் வந்தன. இதனையும் குறைவான பொதுமக்கள் வந்து வாங்கி சென்றதால், மீன்களின் விலைகளில் எந்த மாற்றமும் ஏற்படவில்லை. அதன்படி நேற்று ஒரு கிலோ கட்லா மீன் ரூ.150-க்கும், ரோகு ரூ.150-க்கும், நெய் மீன் ரூ.120-க்கும், மத்தி மீன் ரூ.150-க்கும், அயிலை மீன் ரூ.250-க்கும், டேம் பாறை மீன் ரூ.150-க்கும் விற்பனை செய்யப்பட்டது.

இவ்வாறு அவர் கூறினார்.

தொடர்புடைய செய்திகள்

1. காய்கறிமீன்பூ மார்க்கெட்டுகளில் கூட்டம் கூடாமல் கண்காணிக்க வேண்டும்
காய்கறி மீன் பூ மார்க்கெட்டுகளில் கூட்டம் கூடாமல் கண்காணிக்க வேண்டும்
2. கண்மாயில் சிக்கிய அரியவகை நெற்றிக்கண் மீன்
கண்மாயில் சிக்கிய அரியவகை நெற்றிக்கண் மீன்
3. மீன், கருவாடு விலை உயர்வு
மீன், கருவாடு விலை உயர்வு
4. கண்மாய்க்கு வரும் நீரில் மீன்கள்; ஆர்வத்துடன் பிடிக்கும் இளைஞர்கள்
ஸ்ரீவில்லிபுத்தூரில் உள்ள கண்மாய்க்கு நீரில் வரும் மீன்களை இளைஞர்கள் ஆர்வத்துடன் பிடித்து செல்கின்றனர்.
5. மீன், இறைச்சி கடைகள் மூடல்
ஊட்டி, கூடலூரில் மீன், இறைச்சி கடைகள் மூடப்பட்டன. எனினும் காய்கறி வாங்க குறைந்த மக்களே வந்தனர்.