கோர்ட்டில் ஆஜராகாமல் 3 ஆண்டுகளாக தலைமறைவாக இருந்த 5 பேர் கைது

வி.கைகாட்டி,

அரியலூர் மாவட்டம் கயர்லாபாத் போலீஸ் நிலையத்தில் கோப்பிலியன்குடிகாடு கிராமத்தை சேர்ந்த மகேந்திரன்(வயது 27), செந்தில் (30), திருமுருகன் (35), ரமேஷ் (37), முருகேசன் (53) உள்ளிட்ட 5 பேர் மீது அடிதடி தொடர்பான வழக்குகள் உள்ளன. இந்நிலையில் இவர்கள் 3 ஆண்டுகளாக கோர்ட்டில் ஆஜராகாமல் தலைமறைவாக இருந்து வந்தனர்.

இதனையடுத்து அவர்கள் 5 பேரையும் கைது செய்யும் வகையில் மாவட்ட போலீஸ் சூப்பிரண்டு சீனிவாசன் உத்தரவின்பேரில் கயர்லாபாத் இன்ஸ்பெக்டர் ராஜா தலைமையில் தனிப்படை அமைக்கப்பட்டு, அவர்களை தேடி வந்தனர்.

கைது

இந்நிலையில் விளாங்குடி பகுதியில் போலீசார் வாகன சோதனையில் ஈடுபட்டபோது 5 பேரை பிடித்து விசாரித்தனர். இதில் அவர்கள் போலீசார் தேடி வந்த மகேந்திரன், செந்தில், திருமுருகன், ரமேஷ், முருகேசன் என்பது தெரியவந்தது. இதையடுத்து அவர்களை போலீசார் கைது செய்தனர். பின்னர் அவர்கள் நீதிபதி முன்பு ஆஜர்படுத்தப்பட்டு, ஜெயங்கொண்டம் கிளை சிறையில் அடைக்கப்பட்டனர்.