மாவட்ட செய்திகள்

குரூப்-4 பணி கலந்தாய்வில் பங்கேற்ற இளம்பெண், ரெயிலில் இருந்து விழுந்து சாவு; காரணம் என்ன? + "||" + Tragedy near Srivilliputhur: A teenager who participated in a Group-4 task consultation fell from a train and died; What is the reason?

குரூப்-4 பணி கலந்தாய்வில் பங்கேற்ற இளம்பெண், ரெயிலில் இருந்து விழுந்து சாவு; காரணம் என்ன?

குரூப்-4 பணி கலந்தாய்வில் பங்கேற்ற இளம்பெண், ரெயிலில் இருந்து விழுந்து சாவு; காரணம் என்ன?
குரூப்-4 பணிக்கான கலந்தாய்வில் பங்கேற்றுவிட்டு ஊர் திரும்பிய இளம்பெண், ரெயிலில் இருந்து விழுந்து பரிதாபமாக இறந்தார். அதற்கான காரணம் குறித்து தீவிர விசாரணை நடந்து வருகிறது.
சென்னையில் கலந்தாய்வு
தென்காசி மாவட்டம் சங்கரன்கோவிலை சேர்ந்தவர் குருநாதன் (வயது 54). இவருடைய மகள் மனிஷாஸ்ரீ (23). இவர் குரூப்-4 தேர்வில் தேர்ச்சி பெற்றுள்ளார். இதையடுத்து சென்னையில் கலந்தாய்வு நடைபெற்றது.

இந்த கலந்தாய்வில் கலந்து கொள்ள தனது தந்தை குருநாதன், அக்காள் கணவர் அய்யனார் (34) ஆகியோருடன் சென்னை சென்றார். அங்கு கலந்தாய்வில் கலந்து கொண்டார். கலந்தாய்வில் அவருக்கு ஊரக மருத்துவ துறையில் பணி ஒதுக்கீடு செய்யப்பட்டுள்ளது.

தவறி விழுந்த பெண்
பின்னர் அவர்கள் சென்னையில் இருந்து நேற்று முன்தினம் மாலை புறப்பட்டு, சென்னை-செங்கோட்டை சிறப்பு ரெயிலில் ஊருக்கு வந்தனர். இந்த ரெயில் நேற்று காலை ஸ்ரீவில்லிபுத்தூர் அருகே உள்ள கோப்பையநாயக்கன்பட்டி அருகே வந்து கொண்டு இருந்த போது திடீரென தனது இருக்கையில் இருந்து எழுந்த மனிஷாஸ்ரீ படிக்கட்டு அருகே வந்து நின்றதாக கூறப்படுகிறது. அப்போது எதிர்பாராதவிதமாக ரெயிலில் இருந்து விழுந்ததாக தெரிகிறது.

இதையறியாமல் குருநாதனும், அய்யனாரும் ரெயிலில் தூங்கிக்கொண்டு இருந்தனர். சங்கரன்கோவிலுக்கு ரெயில் வந்தவுடன் இறங்கும் போது, மனிஷாஸ்ரீ அங்கு இல்லாததை கண்டு அதிர்ச்சி அடைந்தனர். பின்னர் அவரை ரெயிலில் தேடினர்.

போலீசார் விசாரணை
உடனே அவர்கள் இதுகுறித்து ஸ்ரீவில்லிபுத்தூர் ரெயில்வே போலீசாருக்கு தகவல் அளித்தனர். இதையடுத்து ஸ்ரீவில்லிபுத்தூர் ரெயில்வே போலீசார், தண்டவாள பகுதியில் சோதனை செய்தனர்.

அப்போது கோப்பையநாயக்கன்பட்டி அருகே உள்ள தண்டவாள பகுதியில் மனிஷாஸ்ரீ பிணமாக கிடந்தது தெரியவந்தது. அவரது உடலை கைப்பற்றி பிரேத பரிசோதனைக்காக ஸ்ரீவில்லிபுத்தூர் அரசு மருத்துவமனைக்கு அனுப்பி வைத்தனர். அவரது உடலை பார்த்து குடும்பத்தினர் கதறியது பரிதாபமாக இருந்தது.

குரூப்-4 பணி கலந்தாய்வுக்கு சென்று ஊர் திரும்பும் வழியில் ரெயிலில் இருந்து மனிஷா ஸ்ரீ விழுந்து பலியான சம்பவம் சோகத்தை ஏற்படுத்தியது. அவரது சாவுக்கான காரணம் என்ன? என்பது குறித்து ரெயில்வே சப்-இன்ஸ்பெக்டர் விஜயன் மற்றும் போலீசார் விசாரணை நடத்தி வருகின்றனர்.

தொடர்புடைய செய்திகள்

1. தென்காசி மாவட்டம் குருவிகுளம் அருகே பரிதாபம்; மின்சாரம் தாக்கி அக்காள்- தம்பி பலி
தென்காசி மாவட்டம் திருவேங்கடம் தாலுகா குருவிகுளம் அருகே கள்ளிகுளம் கிராமத்தை சேர்ந்தவர் விஜயராஜ் (வயது 45). இவருக்கு திருமணமாகாததால் தனது அக்காள் விஜயலட்சுமி (57) என்பவர் வீட்டில் தங்கி இருந்து விவசாய பணிகளுக்கு உதவியாக இருந்து வந்தார்.
2. தென்காசி மாவட்டத்தில், இன்று கொரோனா தடுப்பூசி ஒத்திகை
தென்காசி மாவட்டத்தில் உள்ள அரசு ஆஸ்பத்திரிகளில் இன்று (வெள்ளிக்கிழமை) கொரோனா தடுப்பூசி திட்டம் ஒத்திகை நடைபெறவுள்ளது.
3. தென்காசியில் பறவைக்காய்ச்சல் தடுப்பு ஆலோசனை கூட்டம்
கால்நடை பராமரிப்புத்துறை சார்பில் பறவை காய்ச்சல் பரவாமல் தடுப்பது தொடர்பான ஆலோசனை கூட்டம் தென்காசி மாவட்ட கலெக்டர் அலுவலகத்தில் நடைபெற்றது.
4. தென்காசி, தூத்துக்குடி, நெல்லையில் புதிதாக 25 பேருக்கு கொரோனா
தென்காசி, தூத்துக்குடி, நெல்லையில் புதிதாக 25 பேர் கொரோனாவால் பாதிக்கப்பட்டனர்.
5. தென்காசியில் கலெக்டர் கார் உள்பட 170 வாகனங்களில் பம்பர் கம்பிகள் அகற்றம்
தென்காசி கலெக்டர் கார் உள்பட 170 வாகனங்களில் பம்பர் கம்பிகள் அகற்றப்பட்டன.