மாவட்ட செய்திகள்

பொதுப்பணித்துறை அதிகாரிகளை கண்டித்து சப்-கலெக்டர் அலுவலகம் முன்பு விவசாயிகள் ஆர்ப்பாட்டம் + "||" + Farmers protest in front of the sub-collector's office condemning public works officials

பொதுப்பணித்துறை அதிகாரிகளை கண்டித்து சப்-கலெக்டர் அலுவலகம் முன்பு விவசாயிகள் ஆர்ப்பாட்டம்

பொதுப்பணித்துறை அதிகாரிகளை கண்டித்து சப்-கலெக்டர் அலுவலகம் முன்பு விவசாயிகள் ஆர்ப்பாட்டம்
உப்பாறு அணைக்கு தண்ணீர் வழங்க நடத்திய பேச்சுவார்த்தை தோல்வியடைந்ததால் பொதுப்பணித்துறை அதிகாரிகளை கண்டித்து சப்- கலெக்டர் அலுவலகம் முன்பு விவசாயிகள் ஆர்ப்பாட்டம் நடத்தினர்.
25 ஆண்டு கால போராட்டம்
தாராபுரம் அருகே உள்ள உப்பாறு அணை 6 ஆயிரத்து 400 ஏக்கர் நேரடி பாசனமும், மறைமுகமாக 10 ஆயிரம் ஏக்கர் பாசன வசதி பெற்று வருகிறது. இந்த அணைக்கு பரம்பிக்குளம்-ஆழியாறு திட்டம் மூலம் திருமூர்த்தி அணையிலிருந்து தண்ணீர் வழங்க வேண்டும் என கோரிக்கையை வலியுறுத்தி விவசாயிகள் கடந்த 25 ஆண்டு காலமாக போராட்டத்தில் ஈடுபட்டு வருகின்றனர். இந்த நிலையில் கடந்த 2 ஆண்டு காலமாக தொடர் போராட்டங்கள் நடத்தியதன் காரணமாக மண்டலம் முறைக்காக பரம்பிக்குளம்- ஆழியாறு திட்டத்தின் கீழ் ஆயக்கட்டு பாசனத்திற்கு தண்ணீர் வழங்கப்பட்டு வருகிறது.

தற்போது வட கிழக்கு மற்றும் தென் கிழக்கு பருவமழை தீவிரமாக பெய்து வரும் நிலையிலே ஆயக்கட்டு பகுதியில் நீர் தேவை குறைவாக இருக்கும் என கருத்தில் கொண்டு 1994-ம் ஆண்டு ஆணைப்படி உப்பாறு அணைக்கு தண்ணீர் வழங்கும் வேண்டும் என்ற அரசாணையை பொதுப்பணித்துறை அதிகாரிகள் நடைமுறைப்படுத்தவில்லை.

ஆர்ப்பாட்டம்
இதன் தொடர்ச்சியாக காத்திருப்புப்போராட்டம், உண்ணாவிரதப் போராட்டம் ஆடு, மாடுகளுடன் போராட்டம் மற்றும் அணையை முற்றுகையிடும் போராட்டம் என தொடர்ச்சியாக 5 கட்டங்களாக போராட்டம் நடத்தியும் 5 முறை முத்தரப்பு பேச்சுவார்த்தை நடத்தியும் பயனில்லை. இறுதியாக நேற்று சப்-கலெக்டர் பவன்குமார் தலைமையில் பேச்சுவார்த்தை நடைபெற்றது.

அதில் கலந்து கொண்ட பொதுப்பணித்துறை உயர் அதிகாரிகள் உப்பாறு அணைக்கு தண்ணீர் வழங்க முடியாது என்று பேச்சுவார்த்தையில் கூறினார்கள். பேச்சுவார்த்தையில் விவசாயிகளுக்கு திருப்தி ஏற்படவில்லை. பொதுப்பணித்துறை அதிகாரிகளை கண்டித்து நூற்றுக்கணக்கான விவசாயிகள் சப்-கலெக்டர் அலுவலகம் முன்பு ஆர்ப்பாட்டத்தில் ஈடுபட்டதால் பெரும் பரபரப்பு ஏற்பட்டது.

தொடர்புடைய செய்திகள்

1. காட்டுமன்னார்கோவிலில் அகில இந்திய விவசாயிகள் போராட்ட ஒருங்கிணைப்புக்குழுவினர் ஆர்ப்பாட்டம்
காட்டுமன்னார்கோவிலில் அகில இந்திய விவசாயிகள் போராட்ட ஒருங்கிணைப்புக்குழுவினர் ஆர்ப்பாட்டம் நடத்தினர்.
2. தூத்துக்குடி: விவசாய சங்கத்தினர் ஆர்ப்பாட்டம்
தூத்துக்குடியில் விவசாய சங்கத்தினர் ஆர்ப்பாட்டத்தில் ஈடுபட்டனர்.
3. மக்காச்சோள கொள்முதல் நிலையம் திறக்க வலியுறுத்தி - ராஜபாளையத்தில் விவசாயிகள் ஆர்ப்பாட்டம்
மக்காச்சோள கொள்முதல் நிலையம் திறக்க வலியுறுத்தி ராஜபாளையத்தில் விவசாயிகள் ஆர்ப்பாட்டத்தில் ஈடுபட்டனர்.
4. ஆரணி தாலுகா அலுவலகம் முன்பு ஆற்றுக்கால்வாய் ஆக்கிரமிப்பை அகற்றக்கோரி விவசாயிகள் ஆர்ப்பாட்டம்
ஆற்றுக்கால்வாய் ஆக்கிரமிப்பை அகற்றக்கோரி ஆரணி தாலுகா அலுவலகம் முன்பு கிராம மக்கள், விவசாயிகள் திடீர் ஆர்ப்பாட்டத்தில் ஈடுபட்டனர்.
5. வேளாண் சட்டங்களை திரும்ப பெறக்கோரி கருப்பு துணியை தலையில் கட்டி வயலில் இறங்கி விவசாயிகள் ஆர்ப்பாட்டம்
வேளாண் சட்டங்களை திரும்ப பெறக்கோரி கருப்பு துணியை தலையில் கட்டி வயலில் இறங்கி விவசாயிகள் ஆர்ப்பாட்டத்தில் ஈடுபட்டனர்.

அதிகம் வாசிக்கப்பட்டவை