விபத்தில் சிக்கிய வாலிபர் சாவு

ஆண்டிமடம்:

கடலூர் மாவட்டம் ஸ்ரீமுஷ்ணம் சப்தரிஷி தெருவைச் சேர்ந்தவர் அன்புச்செல்வன் (வயது 22). இவர் சொந்த வேலையாக ஆண்டிமடம் வந்துவிட்டு மீண்டும் ஸ்ரீமுஷ்ணத்திற்கு மோட்டார் சைக்கிளில் சென்று கொண்டிருந்தார். ஆண்டிமடம்- விருத்தாசலம் சாலையில் சென்றபோது, பின்னால் வந்த வாகனம், மோட்டார் சைக்கிள் மீது மோதியது. இதில் நிலைதடுமாறி கீழே விழுந்த அன்புச்செல்வனுக்கு பலத்த காயம் ஏற்பட்டது. அவரை அந்த வழியாக சென்றவர்கள் மீட்டு ஜெயங்கொண்டம் அரசு மருத்துவமனையில் சிகிச்சைக்காக சேர்த்தனர். பின்னர் மேல்சிகிச்சைக்காக தஞ்சை அரசு மருத்துவக்கல்லூரி மருத்துவமனையில் அனுமதிக்கப்பட்ட அன்புச்செல்வன் நேற்று சிகிச்சை பலனின்றி பரிதாபமாக உயிரிழந்தார். இது குறித்து அன்புச்செல்வனின் உறவினர் கலைச்செல்வன் ஆண்டிமடம் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிந்து விசாரணை மேற்கொண்டு வருகின்றனர்.