மாவட்ட செய்திகள்

அ.தி.மு.க.- தி.மு.க.வினர் மோதல்; கார் கண்ணாடி உடைப்பு + "||" + ADMK-DMK clash Car glass breakage

அ.தி.மு.க.- தி.மு.க.வினர் மோதல்; கார் கண்ணாடி உடைப்பு

அ.தி.மு.க.- தி.மு.க.வினர் மோதல்; கார் கண்ணாடி உடைப்பு
அ.தி.மு.க.- தி.மு.க.வினர் இடையே மோதல் ஏற்பட்டதையடுத்து, கார் கண்ணாடி உடைக்கப்பட்டது.
செந்துறை:
அரிலூர் மாவட்டம் செந்துறை அருகே உள்ள நாகல்குழி கிராமத்தை சேர்ந்தவர் செல்வராசு(வயது 55). இவர் செந்துறை தெற்கு ஒன்றிய தி.மு.க. செயலாளராக இருக்கிறார். பிலாக்குறிச்சி கிராமத்தை சேர்ந்தவர் இளங்கோவன்(45), அ.தி.மு.க. ஜெயலலிதா பேரவை கிளை செயலாளராக உள்ளார். நேற்று நடைபெற்ற சட்டமன்ற தேர்தலின் போது இளங்கோவன் தனது கிராமத்தில் உள்ள வயதானவர்களை அடிக்கடி அழைத்து சென்று வாக்கு போட்டதாக தெரிகிறது. இதுகுறித்து தகவல் அறிந்த செல்வராசு பிலாக்குறிச்சி கிராமத்திற்கு வந்து தி.மு.க. பூத் ஏஜெண்டிடம் தட்டி கேட்டுள்ளார். அப்போது அங்கு வந்த இளங்கோவனுக்கும், செல்வராசுக்கும் இடையே வாய்த்தகராறு ஏற்பட்டு கைகலப்பு ஆனது. இதில் இளங்கோவன் காயமடைந்ததாக தெரிகிறது. இதைத்தொடர்ந்து இளங்கோவனின் ஆதரவாளர்கள் செல்வராசை சரமாரியாக தாக்கினர்.
 இதனைக்கண்ட போலீசார் அவரை மீட்டு போலீஸ் வாகனத்தில் ஏற்றி வாக்கு மையத்திற்கு உள்ளே கொண்டு வந்தனர். ஆனால் இளங்கோவன் ஆதரவாளர்கள் உள்ளே வந்து வேனில் புகுந்து மீண்டும் சரமாரியாக தாக்கினர். மேலும் செல்வராசு வந்த காரின் கண்ணாடிகளையும் அடித்து நொறுக்கினர். இதுகுறித்து தகவல் அறிந்த இரும்புலிக்குறிச்சி போலீசார் மற்றும் கூடுதல் போலீசார் விரைந்து வந்து கூட்டத்தினரை கலைத்தனர். இதைத்தொடர்ந்து செல்வராசை மீட்டு அரியலூர் அரசு மருத்துவமனைக்கு சிகிச்சைக்காக அனுப்பி வைத்தனர். அதேபோல் இளங்கோவன் சிகிச்சைக்காக ஜெயங்கொண்டம் அரசு மருத்துவமனைக்கு சென்றார். இதுகுறித்து இரும்புலிக்குறிச்சி போலீசார் விசாரணை நடத்தி வருகின்றனர்.

தொடர்புடைய செய்திகள்

1. தியாகதுருகம் அருகே இருதரப்பினரிடையே பயங்கர மோதல் பஸ் கண்ணாடி உடைப்பு
தியாகதுருகம் அருகே இரு தரப்பினரிடையே நடந்த பயங்கர மோதலில் பஸ் கண்ணாடி உடைக்கப்பட்டது. வீட்டை சூறையாடியவர்களை போலீசார் விரட்டியடித்ததால் பரபரப்பு ஏற்பட்டது
2. மந்தாரக்குப்பம் அருகே அரசு பஸ் மீது கல்வீசி கண்ணாடி உடைப்பு
மந்தாரக்குப்பம் அருகே அரசு பஸ் மீது கல்வீசி கண்ணாடி உடைத்த வாலிபரை போலீசாா் வலைவீசி தேடி வருகின்றனா்.
3. ரிஷிவந்தியம் அருகே கல்வீசி பஸ் கண்ணாடி உடைப்பு
ரிஷிவந்தியம் அருகே கல்வீசி பஸ் கண்ணாடி உடைப்பு மர்ம நபர்களுக்கு போலீஸ் வலைவீச்சு
4. நெல்லையில் வாலிபர் மீது மோதியதால் பஸ் கண்ணாடி உடைப்பு
நெல்லையில் வாலிபர் மீது மோதியதால் ஆத்திரம் அடைந்த உறவினர்கள் கற்களை வீசி பஸ் கண்ணாடியை உடைத்ததால் பரபரப்பு ஏற்பட்டது.
5. தி.மு.க.வேட்பாளர் பிரசார வாகனத்தின் கண்ணாடி உடைப்பு
திருமயம் அருகே தி.மு.க.வேட்பாளரின் பிரசார வாகனத்தின் கண்ணாடியை உடைத்த மர்ம நபர்களை போலீசார் வலைவீசி தேடி வருகின்றனர்.