<
களை கட்டிய மீன்பிடி திருவிழா
சாணார்பட்டி அருகே மீன்பிடி திருவிழா களை கட்டியது.
கோபால்பட்டி:
மீன்பிடி திருவிழா
சாணார்பட்டி அருகே புகையிலைபட்டியில் வலைஎடுப்பான் குளம் உள்ளது. கடந்த 10 ஆண்டுகளுக்கு பிறகு இந்த குளம் நிரம்பியது. இதனால் அந்த குளத்தில் மீன்குஞ்சுகளை விட்டு கிராம மக்கள் வளர்த்து வந்தனர்.
இந்தநிலையில் தற்போது குளத்தில் தண்ணீர் வற்றி கொண்டிருக்கிறது. மீன்களும் ெபரிதாகி விட்டன. இதனால் மீன்பிடி திருவிழா நடத்த கிராம மக்கள் முடிவு செய்தனர்.
கிராம மக்கள் உற்சாகம்
இது தொடர்பாக, புகையிலைப்பட்டி கிராமத்தில் தண்டோரா போடப்பட்டது. இதனையடுத்து புகையிலைப்பட்டி கிராமத்தை சேர்ந்த ஆண்கள், பெண்கள், சிறுவர், சிறுமிகள் என ஏராளமானோர் குளத்துக்கு திரண்டு வந்தனர்.
பின்னர் குளத்துக்கரையில் உள்ள கொக்கி அம்மன் ஆலயத்தில் கிராம மக்கள் வழிபாடு நடத்தினர். அதன்பிறகு குளத்தில் தேங்கி இருந்த தண்ணீரில் இறங்கி சிறிய வலைகள் மூலம் மீன்களை பிடித்தனர். மீன்பிடி திருவிழா களை கட்டியது.
ஒருவருக்கொருவர் போட்டி போட்டு உற்சாகமாக கிராம மக்கள் மீன்களை பிடித்தனர். கெண்டை, குறவை, ரோகு, கட்லா உள்ளிட்ட மீன்கள் சிக்கின. அவற்றை வீடுகளுக்கு கொண்டு போய் சமைத்து கிராம மக்கள் சாப்பிட்டனர்.
------
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
