மாவட்ட செய்திகள்

70 ஆயிரம் பேருக்கு கொரோனா தடுப்பூசி + "||" + Corona vaccine for 70 thousand people

70 ஆயிரம் பேருக்கு கொரோனா தடுப்பூசி

70 ஆயிரம் பேருக்கு கொரோனா தடுப்பூசி
திண்டுக்கல் மாவட்டம் முழுவதும் இதுவரை 70 ஆயிரம் பேருக்கு கொரோனா தடுப்பூசி போடப்பட்டுள்ளது.
திண்டுக்கல்: 

தமிழகத்தில் கொரோனா பரவல் மீண்டும் அதிகரித்து இருக்கிறது. இதனால் கொரோனா தடுப்பு பணிகள் தீவிரம் அடைந்து இருக்கிறது. 

அதோடு கொரோனா தடுப்பூசி போடும் பணியும் முழுவீச்சில் முடுக்கி விடப்பட்டுள்ளது. 

அதன்படி அனைத்து அரசு மருத்துவமனைகள், ஆரம்ப சுகாதார நிலையங்கள், மினி கிளினிக்குகளில் கொரோனா தடுப்பூசி போடப்படுகிறது. திண்டுக்கல் மாவட்டத்தில் கடந்த ஜனவரி 16-ந்தேதி கொரோனா தடுப்பூசி போடும் பணி தொடங்கியது. 

இதில் முதல்கட்டமாக சுகாதார பணியாளர்கள், போலீசார் உள்ளிட்ட முன்கள ஊழியர்களுக்கு தடுப்பூசி போடப்பட்டது. அதோடு கொரோனா தடுப்பூசி தொடர்பான அச்சத்தை போக்குவதற்கு பொதுமக்களுக்கு விழிப்புணர்வு ஏற்படுத்தப்பட்டது.

இதனால் கொரோனா தடுப்பூசி போட்டுக்கொள்வதில் அரசு அலுவலர்கள், போலீசார் மட்டுமின்றி பொதுமக்களும் மிகுந்த ஆர்வம் காட்டினர். 

இதன் காரணமாக மாவட்டம் முழுவதும் முன்கள பணியாளர்கள் 28 ஆயிரம் பேர், பொதுமக்கள் தரப்பில் 32 ஆயிரம் பேர் உள்பட இதுவரை மொத்தம் 70 ஆயிரம் பேர் கொரோனா தடுப்பூசி போட்டுள்ளனர். 

அதிலும் சுகாதார பணியாளர்கள் 97 சதவீதம் பேர் தடுப்பூசி போட்டுள்ளனர். பொதுமக்களிடம் ஆர்வம் ஏற்பட்டதை தொடர்ந்து 2 வாரத்துக்கு ஒருமுறை, திண்டுக்கல் மாவட்டத்துக்கு கொரோனா தடுப்பூசி மருந்து வரவழைக்கப்படுகிறது. 

அதன்படி தற்போது 12 ஆயிரம் ‘டோஸ்’ தடுப்பூசி மருந்து இருப்பு வைக்கப்பட்டு உள்ளதாக அதிகாரி ஒருவர் தெரிவித்தார்.

தொடர்புடைய செய்திகள்

1. 45 வயதுக்கு மேற்பட்ட நபா்களுக்கு கொரோனா தடுப்பூசி
தடுப்பு நடவடிக்கைகள் தீவிரப்படுத்தப்பட்டு வருவதாகவும், 45 வயதிற்கு மேற்பட்ட நபர்களுக்கு கொரோனா தடுப்பூசி போடப்படுவதாகவும் சப்-கலெக்டர் வைத்திநாதன் தெரிவித்தார்.
2. கொரோனா தடுப்பூசியின் இரண்டாவது டோஸ் போட்டுக்கொண்டார் பாஜக மூத்த தலைவர் எல்.கே.அத்வானி
பாஜக மூத்த தலைவர் எல்.கே. அத்வானி கொரோனா தடுப்பூசியின் இரண்டாவது டோஸ் இன்று போட்டுக்கொண்டார்.
3. பிரதமர் மோடி கொரோனா தடுப்பூசியின் 2வது டோஸ் செலுத்தி கொண்டார்
டெல்லி எய்ம்ஸ் மருத்துவமனையில் பிரதமர் மோடி கொரோனா தடுப்பூசியின் 2வது டோசை இன்று செலுத்தி கொண்டார்.
4. 1759 பேருக்கு கொரோனா தடுப்பூசி
கிணத்துக்கடவு பகுதியில் 1,759 பேருக்கு கொரோனா தடுப்பூசி போடப்பட்டு உள்ளதாக வட்டார மருத்துவ அதிகாரி தெரிவித்தார்.
5. கொரோனா தடுப்பூசி போட சுகாதார பணியாளர்கள் பெயர் பதிவு செய்வதில் புதிய நடைமுறை
கொரோனா தடுப்பூசி போடுவதற்கு சுகாதார பணியாளர்கள் தங்கள் பெயரை பதிவு செய்து கொள்வதில் புதிய நடைமுறையை மத்திய அரசு அறிவித்துள்ளது.