<
வெவ்வேறு சம்பவங்களில் 2 பேர் தற்கொலை
வெவ்வேறு சம்பவங்களில் 2 பேர் தற்கொலை செய்து கொண்டனர்.
முக்கூடல்:
வெவ்வேறு சம்பவங்களில் 2 பேர் தூக்குப்போட்டு தற்கொலை செய்து கொண்டனர்.
பெண் தற்கொலை
முக்கூடல் அமர்நாத் காலனியைச் சேர்ந்தவர் பொன்பெருமாள் (வயது 37). இவரது மனைவி கலா (34). குடும்ப சூழ்நிலை காரணமாக மகளிர் சுயஉதவி குழுவில் கலா கடன் பெற்று இருந்தாராம். ஆனால் அந்த பணத்தை திருப்பி செலுத்த முடியாமல் கஷ்டப்பட்டு வந்துள்ளார்.
இதற்கிடையே குழுவைச் சேர்ந்தவர்கள் பணத்தை திருப்பி கட்டக்கோரி நெருக்கடி கொடுத்ததாக கூறப்படுகிறது. இதனால் மனமுடைந்த கலா வீட்டில் தூக்குப்போட்டு தற்கொலை செய்து கொண்டார்.
இதுகுறித்து பாப்பாக்குடி போலீசுக்கு உடனடியாக தகவல் தெரிவிக்கப்பட்டது. போலீசார் சம்பவ இடத்துக்கு சென்று, கலாவின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.
மற்றொரு சம்பவம்
மேலப்பாளையம் மேலகருங்குளத்தை சேர்ந்தவர் சேது ராஜ் (32). கொத்தனார். இவர் குடும்ப பிரச்சினை காரணமாக மனமுடைந்து காணப்பட்டார். இந்த நிலையில் நேற்று முன்தினம் சேது ராஜ் வீட்டில் தூக்குப்போட்டு தற்கொலை செய்து கொண்டார்.
இதுகுறித்து மேலப்பாளையம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
