ஆசிரியையிடம் தாலி சங்கிலியை பறித்த வாலிபர்

காரைக்குடி செக்காலை பகுதியை சேர்ந்தவர் நல்லம்மை (வயது 34).இவர் மானகிரியில் உள்ள பள்ளியில் ஆசிரியையாக வேலை பார்த்து வருகிறார். இவருடன் பணியாற்றும் சக ஆசிரியை மதிவதனி. சம்பவத்தன்று இருவரும் பள்ளியில் வேலை முடிந்து ஸ்கூட்டியில் வீட்டிற்கு திரும்பிக்கொண்டிருந்தனர். மதிவதனி ஸ்கூட்டியை ஒட்ட நல்லம்மை பின்னால் அமர்ந்திருந்தார்.
 விசாரணையில் கோவிலூர் போலீஸ் சோதனை சாவடியில் உள்ள கண்காணிப்பு கேமராவில் பதிவான காட்சிகள் ஆய்வு செய்யப்பட்டது. அதில் சங்கிலித்திருடன் சென்ற நவீன மோட்டார் சைக்கிள் தெரிந்தது. அனால் திருடனை அடையாளம் காணமுடியவில்லை. ஆனாலும் அந்த மோட்டார் சைக்கிளை விற்பனை செய்யும் டீலரிடம் போலீசார் விசாரணை மேற்கொண்டனர்.
அப்போது கலைதாஸ், ஆசிரியை நல்லம்மையிடம் சங்கிலி பறித்ததை ஒப்புக்கொண்டார்.அதன்பின் கலைதாஸ் வீட்டில் மறைத்து வைத்திருந்த 5 ½ பவுன் தங்க சங்கிலியை போலீசார் மீட்டனர்.மேலும் போலீசார் நடத்திய விசாரணையில் கடந்த மாதம் காரைக்குடி- குன்றக்குடி சாலையில் கோட்டைக்களியம்மன் கோவில் அருகே இருசக்கர வாகனத்தில் சென்ற சுபா (24) என்பவரிடம் 3½ பவுன் சங்கிலியை பறித்துச்சென்றதும் கலைதாஸ்தான் என்பதும் தெரியவந்தது.பறிபோன நகைகள் மீட்கப்பட்டன. சம்பவம் நடைபெற்ற 24 மணி நேரத்தில் சிறப்பாக விசாரணை மேற்கொண்டு குற்றவாளியினை கைது செய்து நகைகளை மீட்ட இன்ஸ்பெக்டர் செல்வகுமாரி மற்றும் போலீஸ் குழுவினரை போலீஸ் உயர் அதிகாரிகள் பாராட்டினர்.