முகக்கவசம் அணியாதது குறித்து கேட்டதால் போலீஸ் சப்-இன்ஸ்பெக்டர் மீது தாக்குதல்; வாலிபர் கைது

பெங்களூரு:

பெங்களூரு வித்யாரண்யபுரா போலீஸ் நிலையத்தில் சப்-இன்ஸ்பெக்டராக பணியாற்றும் ஒருவர், சக போலீசாருடன் சேர்ந்து நேற்று முன்தினம் மாலையில் வாகன சோதனையில் ஈடுபட்டு இருந்தார். அப்போது அங்கு முகக்கவசம் அணியாமல் இருசக்கர வாகனத்தில் வந்த வாலிபரை பிடித்து போலீசார் விசாரித்தனர். 

அவரிடம், முகக்கவசம் அணியாமல் இருப்பது குறித்து சப்-இன்ஸ்பெக்டர் கேள்வி கேட்டார். இதற்கு அந்த வாலிபர் சரியான பதில் சொல்லாதததுடன், சப்-இன்ஸ்பெக்டருடன் வாக்குவாதத்தில் ஈடுபட்டார். வாக்குவாதம் முற்றவே அந்த வாலிபர், சப்-இன்ஸ்பெக்டரை தாக்கினார். உடனே அங்கிருந்த போலீசார், அந்த வாலிபரை மடக்கி பிடித்து கைது செய்தார்கள். விசாரணையில், அவரது பெயர் அக்‌ஷய் (வயது 26) என்று தெரிந்தது. அவர் மீது வித்யாரண்யபுரா போலீசார் வழக்குப்பதிவு செய்து தொடர்ந்து விசாரணை நடத்தி வருகின்றனர்.