3 போலீஸ்காரர்களுக்கு கொரோனா தொற்று: கும்மிடிப்பூண்டி போலீஸ் நிலையம் மூடல்

திருவள்ளூர் மாவட்டம் கும்மிடிப்பூண்டி போலீஸ் நிலையத்தில் பணிபுரிந்து வரும் 24 வயது கொண்ட பெண் காவலர், 24 வயது கொண்ட ஆண் காவலர் மற்றும் 32 வயது கொண்ட முதுநிலை ஆண் காவலர் உள்பட மொத்தம் 3 பேருக்கு கடந்த 9-ந்தேதி கொரோனா தொற்று உறுதி செய்யப்பட்டது.

இதனையடுத்து மாவட்ட காவல் துறை நிர்வாகத்தின் உத்தரவின் பேரில், நேற்று காலை கும்மிடிப்பூண்டி போலீஸ் நிலையம் மூடப்பட்டது. கொரோனா காலகட்டத்தில் கும்மிடிப்பூண்டி போலீஸ் நிலையம் தற்போது 2-வது முறையாக மூடப்படுகிறது என்பது குறிப்பிடத்தக்கது. இந்த நிலையில், கும்மிடிப்பூண்டி அனைத்து மகளிர் போலீஸ் நிலைய வளாகத்தில் கும்மிடிப்பூண்டி போலீஸ் நிலையம் தற்காலிகமாக செயல்பட்டு வருவதாக போலீசார் தரப்பில் தெரிவிக்கப்பட்டு உள்ளது.