முதல்-அமைச்சர் நிவாரண நிதிக்கு ரூ.1 லட்சம் வழங்கிய ஆசிரியை

வேதாரண்யம்,

நாகை மாவட்டம் வேதாரண்யம் தாலுகா கருப்பம்புலத்தை சேர்ந்தவர் வசந்தா(வயது52). இவர் அண்டர்காடு சுந்தரேசவிலாஸ் அரசு உதவி பெறும் பள்ளியில் ஆசிரியையாக பணியாற்றி வருகிறார். இவர் பல ஆண்டுகளாக மாணவ-மாணவிகள் மற்றும் ஏழை, எளிய மக்கள், மாற்றுத்திறனாளிகள், மனநலம் பாதித்தவர்களுக்கு தினமும் 200 உணவு பொட்டலங்களை வழங்கி வருகிறார். இந்த நிலையில் கொரோனா 2-வது அலையை கட்டுப்படுத்த முதல்-அமைச்சர் பொதுநிவாரண நிதிக்கு நிதி வழங்க வேண்டும் என முதல்-அமைச்சர் மு.க.ஸ்டாலின் கோரிக்கை விடுத்திருந்தார். இதை தொடர்ந்து ஆசிரியை வசந்தா தனது சொந்த பணத்தில் இருந்து ரூ.1 லட்சத்தை முதல்-அமைச்சர் நிவாரண நிதிக்கு வழங்கி உள்ளார். இதேபோல கொரோனா முதல் அலையின் போது முதல்-அமைச்சர் நிவாரண நிதிக்கு இவர், ரூ.50 ஆயிரம் வழங்கி உள்ளது குறிப்பிடத்தக்கது.