செங்கல்பட்டு மாவட்டத்தில் கொரோனா தொற்றால் ஒரே நாளில் 2,041 பேர் பாதிப்பு 32 பேர் பலி

வண்டலூர், 

செங்கல்பட்டு மாவட்டத்தில் நேற்று 2,041 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 1 லட்சத்து 13 ஆயிரத்து 419-ஆக உயர்ந்துள்ளது. இவர்களில் 98 ஆயிரத்து 401 பேர் சிகிச்சை பெற்று வீடு திரும்பினர். நேற்று சிகிச்சை பலனின்றி ஒரே நாளில் 32 பேர் உயிரிழந்தனர்.

இதனால் உயிரிழந்தவர்களின் எண்ணிக்கை 1,230-ஆக உயர்ந்தது. 13,788 பேர் ஆஸ்பத்திரியில் சிகிச்சை பெற்று வருகின்றனர்.

காஞ்சீபுரம் மாவட்டத்தில் நேற்று 1,119 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 50 ஆயிரத்து 601-ஆக உயர்ந்துள்ளது. இவர்களில் 44 ஆயிரத்து 125 பேர் சிகிச்சை பெற்று வீடு திரும்பினர். நேற்று சிகிச்சை பலனின்றி 9 பேர் உயிரிழந்தனர். இதனால் காஞ்சீபுரம் மாவட்டத்தில் கொரோனா தொற்றால் உயிரிழந்தவர்களின் எண்ணிக்கை 712-ஆக உயர்ந்துள்ளது.

5,764 பேர் ஆஸ்பத்திரியில் சிகிச்சை பெற்று வருகின்றனர்.