சப்-இன்ஸ்பெக்டர் என கூறி ஆசிரியையிடம் ரூ.50 ஆயிரம் மோசடி -இளம்பெண் கைது

காரைக்குடி அருகே உள்ள அமராவதி புதூரை சேர்ந்தவர் வடிவுக்கரசி (வயது 33).இவர் மானகிரியில் உள்ள பள்ளியில் தமிழ் ஆசிரியையாக பணியாற்றி வருகிறார். இவரது கணவர் முருகானந்தம். இவர் முன்னாள் ராணுவ வீரர் ஆவார். சில மாதங்களுக்கு முன்பு வடிவுக்கரசி சொந்த வேலையாக திருவாடானை சென்று திரும்பினார். அப்போது பஸ்சில் பக்கத்து இருக்கையில் அமர்ந்திருந்த பெண் தனது பெயர் தேவசேனா, தென்காசி காவல் துறையில் தொழில்நுட்ப பிரிவு சப்-இன்ஸ்பெக்டராக பணியாற்றி வருகிறேன் என்றும், தற்போது விடுமுறையில் வந்துள்ளேன். எனது சொந்த ஊர் தொண்டி என்று கூறி தன்னை அறிமுகப்படுத்திக் கொண்டார்.