காய்கறி பைக்குள் மறைத்து 4 கிலோ கஞ்சா கடத்தல்; 2 பேர் கைது

ஊரடங்கையொட்டி பாலமேடு பஸ் நிலைய பகுதியில் போலீசார் வாகன தணிக்கையில் ஈடுபட்டிருந்தனர். அப்போது அந்த வழியாக 2 பேர் வந்த மோட்டார் சைக்கிளை போலீஸ் சப்-இன்ஸ்பெக்டர் மீனாட்சி சுந்தரம் மற்றும் போலீசார் தடுத்து நிறுத்தி விசாரித்தனர். அவர்கள் முன்னுக்கு பின் முரணாக பதில் அளித்தனர்.
போலீசார் நடத்திய விசாரணையில் திண்டுக்கல் மாவட்டம் சாணார்பட்டி பகுதியை சேர்ந்த மகேந்திரன் (வயது 34) அதே ஊரை சேர்ந்த வீரபாண்டி (31) என்று தெரிய வந்தது. அவர்கள் 2 பேரையும் போலீசார் கைது செய்து, அவர்கள் ஓட்டி வந்த மோட்டார் சைக்கிளையும் பறிமுதல் செய்தனர்.