மராட்டியத்தில் 20 ஆயிரத்திற்கு கீழ் சென்ற கொரோனா பாதிப்பு

மராட்டியத்தில் தற்போது கொரோனா பாதிப்பு குறைந்து வருகிறது. இதில் நேற்று பாதிப்பு 20 ஆயிரத்திற்கு கீழ் குறைந்தது. மாநிலத்தில் புதிதாக 18 ஆயிரத்து 600 பேருக்கு தொற்று கண்டறியப்பட்டுள்ளது. கடந்த மாதம் தினசரி பாதிப்பு 60 ஆயிரத்திற்கு மேல் இருந்தது குறிப்பிடத்தக்கது. மாநிலத்தில் இதுவரை 57 லட்சத்து 31 ஆயிரத்து 815 பேர் தொற்றால் பாதிக்கப்பட்டுள்ளனர்.இதில் 53 லட்சத்து 62 ஆயிரத்து 370 பேர் குணமாகி உள்ளனர். தற்போது மாநிலம் முழுவதும் 2 லட்சத்து 71 ஆயிரத்து 801 பேர் தொற்றுக்கு சிகிச்சை பெற்று வருகின்றனர். இதேபோல மேலும் 402 பேர் ஆட்கொல்லி நோய்க்கு பலியாகி உள்ளனர். இதுவரை 94 ஆயிரத்து 844 பேர் மாநிலத்தில் வைரஸ் நோய்க்கு உயிரிழந்து உள்ளனர்.

மும்பை பாதிப்பு

தலைநகர் மும்பையில் நேற்று புதிதாக 1,066 பேருக்கு பாதிப்பு கண்டறியப்பட்டது. 22 பேர் பலியானார்கள். இதுவரை நகரில் 7 லட்சத்து 5 ஆயிரத்து 575 பேர் தொற்றால் பாதிக்கப்பட்டுள்ளனர். 14 ஆயிரத்து 855 பேர் உயிரிழந்து உள்ளனர். நகரில் நோய் பரவல் இரட்டிப்பாகும் காலம் 414 நாட்களாக உள்ளது.தாராவியில் நேற்று பாதிப்பு இரட்டை இலக்கத்தை தொட்டது. அங்கு புதிதாக 10 பேருக்கு தொற்று உறுதி 

செய்யப்பட்டது. தற்போது அங்கு 26 பேர் சிகிச்சை பெற்று வருகின்றனர்.