2 தொழிலாளிகள் பலி

சிவகங்கை மாவட்டம் திருப்புவனம் போலீஸ் சரகத்தை சேர்ந்த கட்டமன்கோட்டை கிராமத்தை சேர்ந்தவர் சதீஷ்குமார்(வயது 20). இதன் அருகே உள்ள பொட்டப்பாளையம் கிராமத்தை சேர்ந்தவர் பிரவீன்குமார்(19).
மோட்டார் சைக்கிளை சதீஷ்குமார் ஓட்டி வர பிரவீன்குமார் பின்னால் உட்கார்ந்திருந்தார். மதுரை-நெடுங்குளம் ரோட்டில் புலியூர் விலக்கு அருகே நின்றிருந்த சரக்கு வேனின் பின்புறம் சதீஷ்குமார் ஓட்டிச்சென்ற மோட்டார் சைக்கிள் எதிர்பாராதவிதமாக மோதியது. இதில் பலத்த காயமடைந்த சதீஷ்குமார் சம்பவ இடத்திலேயே இறந்தார். படுகாயம் அடைந்த பிரவீன்குமரை அக்கம், பக்கத்தினர் மீட்டு மதுரை அரசு ராஜாஜி மருத்துவமனைக்கு சிகிச்சைக்கு கொண்டு சென்றனர்.
ஆனால் ஆஸ்பத்திரிக்கு செல்லும் வழியில் அவரும் பரிதாபமாக இறந்தார். இது குறித்து திருப்புவனம் போலீஸ் இன்ஸ்பெக்டர் ஏழுமலை வழக்குபதிவு செய்து விசாரணை நடத்தி வருகிறார்.