போதை மாத்திரை விற்ற 4 பேர் கைது

மதுரை

மதுரை கரிமேடு போலீசார் ரோந்து சென்றனர். அப்போது ஆரப்பாளையம், ஏ.ஏ.ரோடு பகுதியில் சமூக விரோத செயல்களில் ஈடுபடும் ஒரு கும்பல் இருப்பதாக போலீசாருக்கு தகவல் வந்தது. உடனே போலீசார் அந்த இடத்திற்கு விரைந்து சென்றனர். போலீசாரை கண்டதும் அங்கிருந்த கும்பல் தப்பி செல்ல முயன்றது. அதில் 4 பேரை போலீசார் பிடித்து விசாரித்தனர். அதில் திடீர்நகரை சேர்ந்த ராகவேந்திரா(வயது 21), ஆரப்பாளையம் விக்னேஷ்(22), மேலபொன்னகரம் 2-வது தெரு கோபிநாத்(19) மற்றும் 17 வயது சிறுவன் என்பதும், அவர்கள் போதை மாத்திரை விற்றதும் தெரியவந்தது. போலீசார் வழக்குப்பதிவு செய்து அவர்கள் 4 பேரையும் கைது செய்து, அவர்களிடமிருந்து 40 போதை மாத்திரை மற்றும் 3,400 ரூபாயை பறிமுதல் செய்தனர்.