பெண்ணிடம் நகை பறித்த வாலிபர் கைது

மதுரை, ஜூன்.

மதுரை கூடல்நகரை அடுத்த பொதும்பு பொற்கொடி நகரை சேர்ந்தவர் கலையரசி (வயது 38). இவர் அந்த பகுதியில் உள்ள கடைக்கு நடந்து சென்றார். அப்போது மோட்டார் சைக்கிளில் 2 பேர் வந்தனர். அவர்கள் கலையரசி கழுத்தில் அணிந்திருந்த 10 கிராம் எடையுள்ள தங்க சங்கிலியை பறித்து கொண்டு தப்பி விட்டனர். இந்த சம்பவம் குறித்து கூடல்புதூர் போலீசார் வழக்குப்பதிவு செய்து விசாரணை நடத்தி வந்தனர். மேலும் அந்தப் பகுதியில் உள்ள கண்காணிப்பு கேமராவை ஆய்வு செய்துபோது நகை பறித்த சம்பவத்தில் விருதுநகர் மாவட்டம் திருச்சுழியை சேர்ந்த மாரீஸ்வரன் (24) உள்ளிட்ட 2 பேருக்கு தொடர்பு இருப்பது தெரியவந்தது. அதைதொடர்ந்து போலீசார் திருச்சுழி விரைந்து சென்று அங்கு பதுங்கியிருந்த மாரீஸ்வரனை கைது செய்தனர். அவருடன் வந்த மற்றொருவரை தேடி வருகிறார்கள்.