மாவட்ட செய்திகள்

காஞ்சீபுரத்தில் பூட்டிய வீட்டில் மூதாட்டி பிணம் + "||" + In Kanchipuram Locked house Grandmother corpse

காஞ்சீபுரத்தில் பூட்டிய வீட்டில் மூதாட்டி பிணம்

காஞ்சீபுரத்தில் பூட்டிய வீட்டில் மூதாட்டி பிணம்
காஞ்சீபுரத்தில் பூட்டிய வீட்டில் மூதாட்டி பிணமாக கிடந்தார்.
காஞ்சீபுரம்,

காஞ்சீபுரம் தாயார் குளம் அண்ணாநகர் பகுதியை சேர்ந்தவர் பால சரஸ்வதி (வயது 65). இவருடைய கணவர் ராஜமாணிக்கம் சில ஆண்டுகளுக்கு முன்பு இறந்துவிட்டார். பாலசரஸ்வதிக்கு தங்கவேலு (35) என்ற மகன் உள்ளார். டிரைவராக பணியாற்றி வருகிறார்.

இவருக்கு திருமணமாகி 2 குழந்தைகள் உள்ள நிலையில், கருத்து வேறுபாடு காரணமாக முதல் மனைவி இவரை விட்டு பிரிந்து சென்றுவிட்டார். இதையடுத்து 2-வது திருமணம் செய்துகொண்டார்.

இவர் தாயின் வீட்டின் அருகே வாடகை வீட்டில் வசித்து வருகிறார். 2-வது திருமணம் செய்துகொண்ட காரணத்தால் மகன், மருமகளிடம் பாலசரஸ்வதி பேசாமல் பஸ் நிலையம் அருகே உள்ள உணவகம் ஒன்றில் பணிசெய்து தன்னைத்தானே பராமரித்து வந்தார்.

இந்த நிலையில் கடந்த வெள்ளிக்கிழமையன்று பால சரஸ்வதி உடல்நிலை சரியில்லை என ஆம்புலன்சு மூலம் காஞ்சீபுரம் அரசு ஆஸ்பத்திரிக்கு சென்று சிகிச்சை பெற்று விட்டு ஞாயிற்றுக்கிழமை வீட்டுக்கு வந்தார். அதன் பின்னர் அவரை யாரும் பார்க்கவில்லை. இந்த நிலையில் அவரது வீட்டில் இருந்து துர்நாற்றம் வீசியதால் அந்த பகுதி மக்கள் தாலுகா போலீஸ் நிலையத்திற்கு தகவல் தெரிவித்தனர். அதன்பேரில் அங்குவந்த போலீசார் அறையின் கதவை உடைத்து உள்ளே சென்று பார்த்தபோது, இரும்பு கட்டிலில் பால சரஸ்வதி பிணமாக கிடந்தார். அவர் இறந்து 5 நாட்களான நிலையில் அவரது உடலை மீட்ட போலீசார் பிரேத பரிசோதனைக்காக காஞ்சீபுரம் அரசு ஆஸ்பத்திரிக்கு அனுப்பி வைத்தனர்.

இதுகுறித்து காஞ்சீபுரம் தாலுக்கா போலீஸ் இன்ஸ்பெக்டர் ராஜகோபால் வழக்குப்பதிவு செய்து விசாரித்து வருகிறார்.

தொடர்புடைய செய்திகள்

1. காஞ்சீபுரத்தில் 36 கண்காணிப்பு கேமராக்கள்
காஞ்சீபுரம் மாவட்டம் காஞ்சீ தாலுகா போலீஸ் நிலைய எல்லைக்குட்பட்ட வேதாச்சலம் நகரில் 650 குடும்பங்களில் 2 ஆயிரத்துக்கும் மேற்பட்டோர் வசித்து வருகின்றனர்.
2. காஞ்சீபுரத்தில் டிராவல்ஸ் உரிமையாளரிடம் ரூ.2 கோடி சொத்து, ரூ.38 லட்சம் அபகரிப்பு 4 பேர் மீது வழக்கு
காஞ்சீபுரத்தில் டிராவல்ஸ் உரிமையாளரிடம் ரூ.2 கோடி சொத்து, ரூ.38 லட்சத்து 35 ஆயிரம் அபகரித்ததாக சீட்டு கம்பெனி உரிமையாளர் உள்பட 4 பேர் மீது போலீசார் வழக்குப்பதிவு செய்து விசாரித்து வருகின்றனர்.
3. காஞ்சீபுரத்தில் மாயமான வாலிபர் கொலையா? 5 பேரிடம் போலீசார் விசாரணை
காஞ்சீபுரத்தில் மாயமான வாலிபர் கொலை செய்யப்பட்டாரா? என்ற கோணத்தில் 5 பேரை பிடித்து போலீசார் விசாரித்து வருகின்றனர்.
4. காஞ்சீபுரத்தில் பெட்ரோல், டீசல் விலை உயர்வை கண்டித்து காங்கிரசார் ஆர்ப்பாட்டம்
தமிழகத்தில் பெட்ரோல், டீசல் விலை நாளுக்கு நாள் உயர்ந்து வருவதால் காய்கறிகள், கட்டுமான பொருட்கள் விலை ஏற்றம் கண்டு பொதுமக்களின் இயல்பு வாழ்க்கை பாதிக்கப்பட்டு வருகிறது.
5. காஞ்சீபுரத்தில் உலக மக்கள் தொகை தினவிழா உறுதிமொழி ஏற்பு
2021-ஆம் ஆண்டு மக்கள்தொகை கணக்கின்படி தமிழகத்தில் 8.36 கோடி மக்கள்தொகை உள்ளனர். இதில் ஆண்கள் 4.19 கோடியும், பெண்கள் 4.17 கோடியும் உள்ளனர். காஞ்சீபுரம் மாவட்டத்தில் மொத்த மக்கள்தொகை 12 லட்சத்து ஆயிரத்து 788 ஆகும்.