காரில் கஞ்சா கடத்திய 3 பேர் கைது

மதுரை

மதுரையில் கஞ்சா விற்பனை தடுக்க போலீஸ் கமிஷனர் உத்தரவிட்டதை தொடர்ந்து போலீசார் தீவிர நடவடிக்கை எடுத்து வருகின்றனர். அதன்படி போலீசார் அவர்கள எல்லைக்கு உட்பட்ட பகுதியில் தீவிர ரோந்து சென்று கஞ்சா விற்றவர்களை கைது செய்து வருகின்றனர். இந்தநிலையில் மதுரை சுப்பிரமணியபுரம் போலீசாருக்கு  சிலர் கஞ்சா கடத்தி வருவதாக தகவல் வந்தது. அதன் பேரில் போலீசார் பல்வேறு இடங்களில் வாகன சோதனை மேற்கொண்டனர். அப்போது முத்துப்பட்டி சாலை வீரமுடையான் கோவில் அருகே வாகன சோதனையின் போது அந்த வழியாக வந்த ஒரு காரை நிறுத்தி சோதனை செய்தனர். 

அப்போது அந்த காரில் 40 கிலோ கஞ்சா இருப்பது தெரியவந்தது. அதை தொடர்ந்து காரில் இருந்த 3 பேரை பிடித்து விசாரித்தனர். அதில் உசிலம்பட்டி தாலுகா கீரிபட்டியை சேர்ந்த சின்னசாமி(வயது 49), ராஜ்ஜியபிரபு(36), வீரேந்திரன்(32) என்பதும், அவர்கள் கஞ்சா கடத்தி செல்வதும் தெரியவந்தது. அதை தொடர்ந்து போலீசார் வழக்குப்பதிவு செய்து அவர்கள் 3 பேரையும் கைது செய்தனர். அவர்களிடமிருந்து 40 கிலோ கஞ்சா, கார் பறிமுதல் செய்யப்பட்டது.