மதுரையில் மின்சாரம் தாக்கி பிளஸ்1 மாணவன் பலி

மதுரை, ஜூலை.

மதுரை பழங்காநத்தம் பகுதியை சேர்ந்தவர் பாலமுருகன். இவரது மகன் ஹரி நித்திஷ் (வயது 15), பிளஸ்-1 மாணவன். சம்பவத்தன்று இவர் அதே பகுதியில் டியூசனுக்கு சென்றுள்ளார். அங்கு மாடியில் நின்று கொண்டிருந்த போது, அந்த வழியாக சென்ற மின்கம்பியை அவர் எதிர்பாராத விதமாக தொட்டதாக கூறப்படுகிறது. அதில் தூக்கி வீசப்பட்ட அவர் சிகிச்சைக்காக மதுரை அரசு ஆஸ்பத்திரியில் சேர்க்கப்பட்டார். அங்கு சிகிச்சை பலன் அளிக்காமல் ஹரிநித்திஷ் பரிதாபமாக இறந்தார். இந்த சம்பவம் குறித்து சுப்பிரமணியபுரம் போலீசார் வழக்குப்பதிவு செய்து விசாரணை நடத்தி வருகிறார்கள்.