மின்சாரம் தாக்கி 8 வயது சிறுவன் பலி

நாகமலைபுதுக்கோட்டை

மதுரை உத்தங்குடியைச் சேர்ந்தவர் சிவந்தன். வக்கீல். இவரது மகன் அனிரூத்(வயது 8). நேற்று காலை சிவந்தன், மகனை அழைத்துக்கொண்டு நாகமலைபுதுக்கோட்டை அருகே கொடிமங்கலம் நாகர்தீர்த்தம் பிரிவில் தென்னந்தோப்பில் காவலாளியாக வேலைபார்க்கும் தந்தை மலைச்சாமியை பார்க்க சென்றார். அப்போது அனிரூத் அங்குள்ள விவசாய மின்மோட்டர் பம்பு செட் அருகே சென்று விளையாடிக் கொண்டிருந்தான். அங்கு அறுந்து இருந்த மின்ஒயரை எதிர்பாராதவிதமாக அனிரூத் மிதித்தபோத அவன் மீது மின்சாரம் பாய்ந்தது. இதில் தூக்கி வீசப்பட்ட அவனை மதுரை அரசு மருத்துவமனைக்கு சிகிச்சைக்காக கொண்டு சென்றனர். அங்கு அனிரூத்தை பரிசோதித்த டாக்டர்கள் அவன் ஏற்கனவே இறந்துவிட்டதாக தெரிவித்தனர். இதுகுறித்து நாகமலைபுதுக்கோட்டை இன்ஸ்பெக்டர் வசந்தி மற்றும் போலீசார் வழக்கு பதிவு செய்து விசாரித்து வருகின்றனர்.