பஸ் ஏற நின்ற பெண்ணை ஓட, ஓட விரட்டி வெட்டிக்கொன்ற பயங்கரம்

பஸ் ஏற நின்றிருந்த பெண்ணை ஓட, ஓட விரட்டி வெட்டிக்கொன்ற பயங்கர சம்பவம் நடந்துள்ளது. இந்த வெறிச்செயலில் ஈடுபட்ட கல்லூரி மாணவர் போலீஸ் நிலையத்தில் சரண் அடைந்தார்.
சிவகங்கை மாவட்டம், தேவகோட்டை அருகே உள்ள தச்சவயல் கிராமத்தை சேர்ந்தவர் செல்வராஜ். இவர் பெங்களூருவில் வேைல செய்து வருகிறார். இவருடைய மனைவி மீனாட்சி(வயது 47). இவர் இந்திய கம்யூனிஸ்டு கட்சியில் மாதர் சங்க நிர்வாகியாக இருந்தவர். தற்போது அந்த சங்கத்தில் இருந்து விலகி இருந்ததாக கூறப்படுகிறது. இவர்களுக்கு ஒரு மகனும், மகளும் உண்டு.
இந்த நிலையில் நேற்று காலை 8 மணி அளவில் மீனாட்சி தச்சவயலில் இருந்து தேவகோட்டை செல்வதற்காக அங்குள்ள பஸ் நிறுத்தத்தில் நின்றிருந்தார். அப்போது அங்கு அரிவாளுடன் பாலா வந்தார்.
இது குறித்து அக்கம், பக்கத்தினர் தேவகோட்டை போலீசாருக்கு தகவல் தெரிவித்தனர். துணை சூப்பிரண்டு ரமேஷ், தேவகோட்டை இன்ஸ்பெக்டர் சுப்பிரமணியன் தலைமையிலான போலீசார் சம்பவ இடத்துக்கு விரைந்து வந்தனர். கொலை செய்யப்பட்ட மீனாட்சி உடலை பரிசோதனைக்காக அரசு ஆஸ்பத்திரிக்கு அனுப்பி வைத்தனர்.
இதற்கிடையே தேவகோட்டை போலீஸ் நிலையத்தில் பாலா சரண் அடைந்தார். கொலைக்கு பயன்படுத்திய அரிவாளை போலீசார் கைப்பற்றினர். பாலாவை கைது செய்து விசாரணை நடத்தி வருகின்றனர்.