குளத்தில் மூழ்கி விவசாயி சாவு

திருமங்கலம்

திருமங்கலம் அருகே உள்ள செங்கப்படை கிராமத்தை சேர்ந்தவர் கணேசன்(வயது 56). விவசாயி கூலி வேலை பார்த்து வந்தார் இவருக்கு மனைவி, 2 மகன்கள் உள்ளனர். நேற்று முன்தினம் மாலை இவர் கட்டிட வேலை முடித்துவிட்டு குளத்திற்கு குளிக்க சென்றார். குளிக்க சென்ற அவர் இரவு வெகு நேரம் ஆகியும் வீடு திரும்பவில்லை. மனைவி ராதா மற்றும் உறவினர்கள் குளத்திற்குச் சென்று தேடிப்பார்த்தனர். குளத்தின் கரையில் அவருடைய உடைகள் இருந்தது. கிராமத்தைச் சேர்ந்த சிலர் குளத்தில் இறங்கி தேடினர். அப்போது குளத்தில் ஆழமான பகுதியில் மூழ்கி இறந்து இருப்பது தெரியவந்தது. உடலை மீட்டு திருமங்கலம் தாலுகா போலீசாருக்கு தகவல் தெரிவிக்கப்பட்டது. போலீசார் உடலை கைப்பற்றி திருமங்கலம் அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இதுகுறித்து தாலுகா போலீசார் விசாரணை நடத்தி வருகின்றனர்.