மதுரையில் கொரோனாவுக்கு 2 பேர் பலி

மதுரையில் நேற்று 18 பேருக்கு கொரோனா பாதிப்பு இருப்பது கண்டறியப்பட்டது. அவர்களில் 11 பேர் நகர் பகுதியை சேர்ந்தவர்கள். மீதமுள்ளவர்கள் புறநகர் பகுதியை சேர்ந்தவர்கள். மதுரையில் இதுவரை நோய்த் தொற்றால் பாதிக்கப்பட்டவர்களின் எண்ணிக்கையும் 74 ஆயிரத்து 69 ஆக உயர்ந்துள்ளது. இதுபோல், நேற்று 19 பேர் குணம் அடைந்து வீடு திரும்பினர். இவர்களில் 12 பேர் நகர் பகுதியைச் சேர்ந்தவர்கள்.
மதுரையில் கடந்த சில தினங்களாக கொரோனா பாதிப்பு படிப்படியாக உயர்ந்து வருவதாகவும், மக்கள் கொரோனா விதிமுறைகளை சரிவர கடைபிடிக்க வேண்டும் எனவும் சுகாதாரத்துறையினர் எச்சரித்துள்ளனர்.