பிறந்த குழந்தையின் தலையுடன் சுற்றி திரிந்த நாய்

போலீசார் குழந்தையின் தலையை மதுரை அரசு ஆஸ்பத்திரி பிரேத பரிசோதனைக்கு அனுப்பி வைத்து விசாரித்து வருகின்றனர். இது குறித்து போலீசார் கூறும் போது, அந்த தலையை பார்க்கும் போது அது பிறந்து 10 நாட்களே ஆன குழந்தையின் தலை போன்று உள்ளது. யாரும் தவறான முறையில் பிறந்த குழந்தை, இறந்த பிறகு அந்த பகுதியில் வீசி உள்ளார்களா? அல்லது குறை மாதத்தில் இறந்த நிலையில் பிறந்த குழந்தையா என்பது குறித்து விசாரித்து வருகிறோம். மேலும் அங்கு அருகில் உள்ள ஆஸ்பத்திரியில் சமீபத்தில் பிறந்த குழந்தை இறந்து உள்ளதா? என்பது குறித்தும் விசாரிக்கிறோம்.இது தவிர அந்த தலை ஆண் அல்லது பெண் குழந்தையின் உடலுக்கு தொடர்புடையது என்பது குறித்து அறிய பிரேத பரிசோதனை டாக்டரிடம் கேட்டுள்ளோம். விரைவில் அது யாருடைய குழந்தை என்பதை கண்டுபிடித்து விடுவோம் என்று போலீசார் தெரிவித்தனர். இந்த சம்பவத்தால் அந்த பகுதியில் பரபரப்பு ஏற்பட்டது.