மேலூர் அருகே சுண்ணாம்பூரை சேர்ந்தவர் குமார் (வயது 42). விவசாயி. சம்பவத்தன்று இரவில் 2 மோட்டார் சைக்கிளில் வந்த 6 பேர் குமாரின் வீடு மற்றும் ஊர் மந்தை ஆகிய 2 இடங்களின் அருகில் பெட்ரோல் குண்டுகளை வீசியுள்ளனர்.
 விசாரணையில் குமாருக்கும், மதுரையை சேர்ந்த உறவினர் நந்தகுமாருக்கும் இடையே கொடுக்கல், வாங்கல் தொடர்பாக பிரச்சினை இருந்தது தெரிய வந்தது.
இது தொடர்பாக மதுரையை சேர்ந்த நந்தகுமார், அவரது நண்பர்கள் பெருங்குடியை சேர்ந்த அசாருதீன் (23), விளாச்சேரியை சேர்ந்த மற்றொரு அசாருதீன் (24) ஆகிய 3 பேரை போலீசார் கைது செய்தனர். அவர்களிடம் இருந்து 2 மோட்டார் சைக்கிள்கள் பறிமுதல் செய்யப்பட்டன. மேலும் 3 பேரை போலீசார் தேடி வருகிறார்கள்.