மாவட்ட செய்திகள்

விநாயகர் சதுர்த்தியையொட்டி 576 சிறப்பு பஸ்கள் இயக்கம் சென்னையில் இருந்து 1 லட்சத்து 32 ஆயிரம் பேர் வெளியூர் பயணம் + "||" + 576 special buses run on Ganesha Chaturthi 1 lakh 32 thousand people travel from Chennai

விநாயகர் சதுர்த்தியையொட்டி 576 சிறப்பு பஸ்கள் இயக்கம் சென்னையில் இருந்து 1 லட்சத்து 32 ஆயிரம் பேர் வெளியூர் பயணம்

விநாயகர் சதுர்த்தியையொட்டி 576 சிறப்பு பஸ்கள் இயக்கம் சென்னையில் இருந்து 1 லட்சத்து 32 ஆயிரம் பேர் வெளியூர் பயணம்
விநாயகர் சதுர்த்தியையொட்டி சென்னையில் இருந்து 576 சிறப்பு பஸ்கள் இயக்கப்பட்டதாகவும், ஒரு லட்சத்து 32 ஆயிரம் பேர் வெளியூர் புறப்பட்டு சென்றதாகவும் போக்குவரத்துத்துறை அமைச்சர் ஆர்.எஸ்.ராஜகண்ணப்பன் தெரிவித்தார்.
சென்னை,

பண்டிகைகள் என்றாலே சொந்த ஊருக்கு சென்று உற்றார்- உறவினர்கள், நண்பர்களுடன் கொண்டாடுவதையே பலரும் விரும்புகிறார்கள். எனவே விழாக்காலங்களில் பஸ்-ரெயில்களில் பயணிகள் கூட்டம் அலைமோதும். பயணிகள் சிரமம் இன்றி பயணிக்க ஏதுவாக அரசு போக்குவரத்து கழகங்கள் சார்பில் சிறப்பு பஸ்கள் இயக்கப்படுவதும் வழக்கம்.


தற்போது விநாயகர் சதுர்த்தியையொட்டி 3 நாட்கள் (வெள்ளி, சனி, ஞாயிறு) தொடர் விடுமுறை வந்ததால், குடும்பத்தினருடன் பலர் சொந்த ஊர்களுக்கு படையெடுத்தனர். சென்னையில் இருந்து மட்டும் 1 லட்சத்து 32 ஆயிரத்து 495 பேர் வெளியூர் புறப்பட்டு சென்றுள்ளனர்.

அமைச்சர் ஆர்.எஸ்.ராஜகண்ணப்பன் தகவல்

இதுதொடர்பாக தமிழக போக்குவரத்துத்துறை அமைச்சர் ஆர்.எஸ்.ராஜ கண்ணப்பன் கூறியதாவது:-

தொடர் விடுமுறையையொட்டி பயணிகள் எந்தவித சிரமும் இன்றி நிம்மதியாக சொந்த ஊர்களுக்கு சென்று வரும் வகையில் முதல்-அமைச்சர் மு.க.ஸ்டாலினின் அறிவுறுத்தலின் பேரில் சென்னை கோயம்பேடு பஸ் நிலையத்தில் இருந்து கடந்த 9-ந்தேதி அன்று 1,834 வழக்கமான பஸ் சேவைகளுடன் 576 சிறப்பு பஸ்களும் வெளியூர்களுக்கு இயக்கப்பட்டன.

வழக்கமாக இயக்கப்படும் பஸ்கள் மூலம் 1 லட்சத்து 815 பயணிகளும், சிறப்பு பஸ்கள் மூலம் 31 ஆயிரத்து 680 பயணிகளும் என அன்றைய தினம் 1 லட்சத்து 32 ஆயிரத்து 495 பயணிகள் தங்கள் சொந்த ஊர்களுக்கு சென்றுள்ளனர்.

இவ்வாறு அவர் கூறினார்.

போக்குவரத்து கழகங்கள் சார்பில்...

சென்னை கோயம்பேடு பஸ்நிலையத்தில் இருந்து கடந்த 9-ந்தேதி எஸ்.இ.டி.சி.- 354 பஸ்கள் (தினசரி சேவை), 34 பஸ்கள் (சிறப்பு சேவை), டி.என்.எஸ்.டி.சி. (விழுப்புரம் போக்குவரத்து கழகம்) - 1,234 பஸ்கள் (தினசரி), 223 பஸ்கள் (சிறப்பு), கும்பகோண போக்குவரத்து கழகம்-134 பஸ்கள் (தினசரி), 180 பஸ்கள் (சிறப்பு), மதுரை போக்குவரத்து- 35 பஸ்கள் (சிறப்பு), கோவை போக்குவரத்து கழகம் -4 பஸ்கள் (சிறப்பு) இயக்கப்பட்டுள்ளது.

கோயம்பேடு பஸ் நிலையத்துக்கு பயணிகள் வந்து செல்ல வசதியாக அன்றைய தினம் சென்னை மாநகர போக்குவரத்து கழகம் சார்பில் 80 சிறப்பு பஸ் சேவையும் இயக்கப்பட்டது.

தொடர்புடைய செய்திகள்

1. ஐ.நா. சபை கூட்டத்தில் கலந்து கொள்ள மோடி இன்று அமெரிக்கா பயணம்
ஐ.நா. சபை கூட்டத்தில் கலந்து கொள்ள பிரதமர் மோடி இன்று (புதன்கிழமை) அமெரிக்கா புறப்பட்டு செல்கிறார். ஜனாதிபதி ஜோ பைடனையும் சந்தித்து பேசுகிறார்.
2. ராகுல் காந்தி இன்று ஜம்மு பயணம்: மாதா வைஷ்ணோ தேவி கோயிலில் தரிசனம்!
ராகுல் காந்தி 2 நாள் பயணமாக இன்று ஜம்மு பயணம் மேற்கொள்கிறார். அங்கு மாதா வைஷ்ணோ தேவி கோயிலில் தரிசனம் செய்ய உள்ளார்.
3. ரஷியாவில் அஜித் பைக் பயணம்
அஜித்குமார் நடிக்கும் வலிமை படத்தின் இறுதிகட்ட காட்சிகளை படமாக்க படக்குழுவினர் சில தினங்களுக்கு முன்பு ரஷியா சென்றனர்.
4. தே.மு.தி.க. தலைவர் விஜயகாந்த் சிகிச்சைக்காக துபாய் பயணம்
தே.மு.தி.க. தலைவர் விஜயகாந்த் சிகிச்சைக்காக விமானம் மூலம் இன்று துபாய் புறப்பட்டு சென்றார்.
5. கன்னியாகுமரியில் இருந்து டெல்லிக்கு மத்திய ரிசர்வ் போலீஸ் படையினர் சைக்கிள் பயணம்
கன்னியாகுமரியில் இருந்து டெல்லிக்கு மத்திய ரிசர்வ் போலீஸ் படையினர் சைக்கிள் பயணம் அமைச்சர் மனோ தங்கராஜ் தொடங்கி வைத்தார்.