போக்சோ சட்டத்தில் தொழிலாளி கைது

கொடைக்கானல்: 

கொடைக்கானல் அருகே மாட்டுப்பட்டி கிராமத்தை சேர்ந்தவர் தியாகு (வயது 32). கூலித்தொழிலாளி. இவர், நேற்று ஒரு தோட்டத்தில் வைத்து 10 வயது சிறுமியை பாலியல் பலாத்காரம் செய்ய முயன்றதாக கூறப்படுகிறது. இதையறிந்த பொதுமக்கள் அவரை பிடித்து கொடைக்கானல் மகளிர் போலீசில் ஒப்படைத்தனர். இதுகுறித்து போலீஸ் இன்ஸ்பெக்டர் சுமதி விசாரணை நடத்தி, போக்சோ சட்டத்தில் தியாகுவை கைது செய்தார்.